BREAKING / IPL 2022માં કોરોનાનો પહેલો કેસ આવતા ફફડાટ, દિલ્હી કેપિટલ્સની ટીમમાં વાયરસની દસ્તક

• IPLમાં કોરોનાની એન્ટ્રી 
• આ સિઝનનો પહેલો કેસ નોંધાયો 
• દિલ્હી કેપિટલ્સના ફિઝિયોનો રિપોર્ટ આવ્યો પોઝિટિવ 
• હજુ સુધી કોઈ ખેલાડીમાં સંક્રમણના અહેવાલ નહીં 

આ સિઝનમાં IPLનો પહેલો કેસ 
ભારતમાં કોરોના વાયરસના કેસમાં ઘણા સમયથી રાહત જોવા મળી છે જે બાદ જનજીવન સામાન્ય બન્યું છે. દેશમાં ધામધૂમથી અનેક પ્રકારના ફંક્શન થઈ રહ્યા છે અને સૌથી મોટી સ્પોર્ટ્સ ઈવેન્ટ IPLનું પણ આયોજન કરવામાં આવ્યું છે. જોકે હવે IPLમાં કોરોનાની દસ્તક થવાથી ખેલાડીઓમાં કોરોનાને લઈને ચિંતા વધી છે. 

IPL | Delhi Capitals physio Patrick Farhart tests positive for #COVID19. He is being closely monitored by the DC Medical Team at the moment.

(File photo) pic.twitter.com/L9iiitA67W

— ANI (@ANI) April 15, 2022

જોકે હજુ સુધી ખેલાડીઓમાં નથી ફેલાયું સંક્રમણ 
IPLની આ સિઝનમાં 24 મેચ થઈ ગઈ છે ત્યારે કોરોનાનો પહેલો કેસ આજે સામે આવતો છે જેમાં દિલ્હી કેપિટલ્સના મહત્વપૂર્ણ ફિઝિયો સંક્રમિત થયા છે. દિલ્હી કેપિટલ્સની આગામી મેચ 16મી એપ્રિલે છે ત્યારે ટીમના ફિજિયો પેટ્રિક ફરહાર્ટનો કોરોના રિપોર્ટ પોઝિટિવ આવ્યો છે. જોકે હજુ સુધી ખેલાડીઑમાં આ સંક્રમણ ફેલાયું નથી. 

બાયો બબલનું કડક પાલન 
ફિજિયો હાલ તો આઇસોલેશનમાં છે અને ખેલાડીઑ પર ખાસ નજર રાખવામાં આવી રહી છે, આ સિવાય કોઈ બીજા ખેલાડીને પોઝિટિવ રિપોર્ટ આવ્યો નથી. નોંધનીય છે કે IPLમાં બાયો બબલનું કડકપણે પાલન કરાવવામાં આવે છે જેના કારણે ખેલાડીઓ કોરોનાથી બચી શકે.