તમારા કામનું / શું તમેય SIPમાં કરી રહ્યાં છો ઇન્વેસ્ટમેન્ટ? તો બેસ્ટ રિટર્ન મેળવવા માટે ફોલો કરો આ ટિપ્સ, થશે ફાયદો

• રોકાણકાર શેરબજારમાં હાઈ રિટર્ન મેળવવાની અપેક્ષા રાખે છે
• મ્યુચ્યુઅલ ફંડમાં રોકાણ કરીને કેવી રીતે હાઈ રિટર્ન મેળવી શકાય?
• શેરબજારની મંદીના ડરથી SIPમાં રોકાણ કરવાનું બંધ ના કરવું

કોઈપણ રોકાણકાર શેરબજારમાં રોકાણ કરે ત્યારે હાઈ રિટર્ન મેળવવાની અપેક્ષા રાખે છે. અનેક લોકો મ્યુચ્યુઅલ ફંડમાં સિસ્ટેમેટિક ઇન્વેસ્ટમેન્ટ પ્લાન (SIP)માં રોકાણ કરે છે. SIPમાં દર મહિને એક નિશ્ચિત રકમનું રોકાણ કરવામાં આવે છે. મ્યુચ્યુઅલ ફંડમાં SIPમાં રોકાણ કરીને કેવી રીતે હાઈ રિટર્ન મેળવી શકાય તે અંગે અહીંયા જણાવવામાં આવ્યું છે. 

શક્ય હોય તેટલું વહેલા રોકાણની શરૂઆત કરો
હાઈ રિટર્ન મેળવવા માટે શક્ય હોય તેટલું વહેલા રોકાણની શરૂઆત કરવી જોઈએ. જે માટે પાવર ઓફ કમ્પાઉન્ડિંગને સમજવું જરૂરી છે. પાવર ઓફ કમ્પાઉન્ડિંગમાં સમયની સાથે રોકાણ કરેલ રકમમાં વૃદ્ધિ થાય છે. લાંબા ગાળા માટે રોકાણ કરવાથી તેમાં વૃદ્ધિ થવામાં તેટલો જ સમય લાગશે. SIPમાં 500 રૂપિયાની રકમથી રોકાણની શરૂઆત કરી શકાય છે. 

નિયમિતરૂપે રોકાણ કરો
નિયમિતરૂપે રોકાણ કરવાથી ઝડપથી ગોલ પ્રાપ્ત કરી શકશો. SIPમાં નિયમિતરૂપે દર મહિને નિશ્ચિત રકમ જમા કરવાની રહેશે. મ્યુચ્યુઅલ ફંડ બજારના જોખમોને આધિન છે. આ કારણોસર શેરબજારની મંદીથી ડરીને SIPમાં રોકાણ કરવાનું બંધ ના કરવું જોઈએ. મંદી ટૂંકા ગાળા માટે જ હોય છે. 

સમયની સાથે રોકાણની રકમમાં વધારો કરવો
આવક વધવાની સાથે સાથે SIPમાં રોકાણની રકમમાં વધારો કરવા બાબતે પણ વિચાર કરવો. SIPમાં રોકાણની રકમમાં ધીમે ધીમે વધાર કરવો. સરળતાથી નાણાંકીય લક્ષ્યાંક પ્રાપ્ત કરી શકો છો. 

પોર્ટફોલિયોમાં વિવિધતા લાવો
રોકાણકારોએ ક્યારેય પણ એક જ જગ્યાએ રોકાણ ના કરવું જોઈએ. એક જ જગ્યાએ રોકાણ કરવામાં આવે અને શેરબજારમાં મંદી આવે તો નુકસાન થઈ શકે છે. આ કારણોસર અલગ અલગ ક્ષેત્રે (ઈક્વિટી, ડેટ, સોનુ, રિઅલ એસ્ટેટ, મ્યુચ્યુઅલ ફંડ) રોકાણ કરવું. જેથી એક ક્ષેત્રે મંદી આવે તો બીજા ક્ષેત્રે તેની ભરપાઈ થઈ શકે અને વધુ નુકસાન ના થાય. 

યોગ્ય ફંડની પસંદગી
હાઈ રિટર્ન મેળવવા માટે મ્યુચ્યુઅલ ફંડની પસંદગી કરવી જરૂરી છે. જે મ્યુચ્યુઅલ ફંડ, રોકાણ લક્ષ્યાંક, જોખમ ઉઠાવવાની ક્ષમતાને અનુરૂપ હોય તેવા મ્યુચ્યુઅલ ફંડની પસંદગી કરવી. 

 (DISCLAIMER: શેરમાર્કેટને લગતો આ આર્ટિકલ અનુભવ તેમજ મળતી માહિતીને આધારિત છે. આથી આપવામાં આવેલી જાણકારી અનુસાર રોકાણ કરવામાં જો તમને કોઇ પણ પ્રકારનું નુકસાન થશે તો તેની જવાબદારી અમારી રહેશે નહીં. કોઇ પણ શેરમાં રોકાણ કરતા પહેલાં નિષ્ણાંતની સલાહ લેવી આવશ્યક છે. આ આર્ટિકલ ફક્ત શેર બજારના ન્યૂઝના હેતુસર પબ્લિશ કરવામાં આવ્યો છે.)