ચોખ્ખુંચટ / બોર્ડર પર હાલત બગડ્યા તો..' વિદેશમંત્રી એસ જયશંકરે ચીંન-પાકને મોઢા પર સંભળાવી દીધું, રાખ્યો સિંગલ પોઈન્ટ એજન્ડા

• પાકિસ્તાન અને ચીન સાથેના સંબંધને લઈને એસ જયશંકરનું નિવેદન
• જ્યાં સુધી સરહદ પર આતંકવાદનો કોઈ અંત નહીં આવે ત્યાં સુધી પાકિસ્તાન સાથેના સંબંધો સારા નહીં રહે
• ચીન બોર્ડરની સ્થિતિ સામાન્ય કહી શકાય તેવી નથી! 

ભારતના પાકિસ્તાન અને ચીન સાથેના સંબંધને લઈને ભારતના વિદેશ મંત્રી એસ જયશંકરે બુધવારે મોટું નિવેદન આપ્યું હતું. તેમણે કહ્યું હતું કે સરહદ પરની સ્થિતિને લઈ અને બંને દેશો વચ્ચેના સંબંધો નક્કી કરવામાં આવશે અને જ્યાં સુધી સરહદ પર આતંકવાદનો કોઈ અંત નહીં આવે ત્યાં સુધી પાકિસ્તાન સાથેના સંબંધો સારા નહીં રહે! બીજી બાજુ ચીન સાથેના સંબંધો અંગે વિદેશ મંત્રીએ કહ્યું હતું કે આજે પણ બોર્ડરની સ્થિતિ સામાન્ય કહી શકાય તેવી નથી! 

#WATCH | Delhi: EAM Dr S Jaishankar on Pakistan, says, "We can’t allow terrorism to be normalised, we can not allow that to become a basis to come in discussion with Pakistan. Until there is a departure from the abbreviation of policy of cross-border terrorism, it is not possible… pic.twitter.com/LLAW10tEUh

— ANI (@ANI) June 28, 2023

ત્યાં સુધી સંબંધો સુધરશે નહીં તેવી ચોખ્ખી સ્પષ્ટતા 

દિલ્હીના એક કાર્યક્રમમાં વિદેશ મંત્રીએ હાજરી આપી હતી. આ દરમિયાન તેમણે નિવેદન આપતા કહ્યું હતું કે ચીન સાથે ભારતના સંબંધો હાલ સારા નથી અને કોઈપણ સંબંધનો દોર તેની લાગણી પર ટકી શકે છે માટે સંબંધમાં માન સન્માન હોવું જોઈએ. જે તે વખતે બંને દેશો વચ્ચે જે કરારો થયા હતા. તેની સમજુતીમાં અસમર્થ રહ્યા બાદ જ સંબંધો બગડ્યા છે અને જ્યાં સુધી શાંતિ નહીં સ્થપાઈ ત્યાં સુધી સંબંધો સુધરશે નહીં તેવી ચોખ્ખી સ્પષ્ટતા કરી દીધી હતી.

અમેરિકા સાથે આપણા સંબંધ ખુબ સારા
નોંધનીય છે કે ચીનના સંબંધને લઈને વિદેશ મંત્રી એસ જયશંકર અગાઉ પણ અનેક વખત સંબંધ વિશે બોલી ચૂક્યા છે. જેમાં તેઓએ કહ્યું કે ચીન સાથેના સંબંધો ત્યારે જ સુધરશે જ્યારે બોર્ડર પર હાલત સ્થિર થશે! મહત્વનું છે કે ગલવાન હિંસા બાદ બંને દેશોના સંબંધ બગડ્યા છે અને આ ઘટનાને ત્રણ વર્ષ પૂર્ણ થઈ ગયા હોવા છતાં બંને વચ્ચેના સંબંધોની ખટાશ હજુ પણ સુધરી નથી. બંને દેશો વચ્ચે આ મામલે અનેક વખત સમજૂતી ના પ્રયાસ કરવા છતાં સફળતા મળી નથી. ચીન પાકિસ્તાન ઉપરાંત વિદેશ મંત્રીએ અમેરિકા સાથેના સંબંધો બાબતે પણ વાત કરી હતી અને તેઓએ અમેરિકા સાથે આપણા સંબંધ ખુબ સારા હોવાનું કહ્યું હતું. વધુમાં યુક્રેન સંકટ વચ્ચે પણ રશિયા સાથે આપણા સબંધ સારા હોવાનું કહ્યું હતું.