World / ટ્રમ્પની આ નીતિથી કુશળ ભારતીયો પણ હતાશ, શોધી રહ્યાં છે બનતા તમામ રસ્તા

અમેરિકામાં નોકરી અને વિઝાને લગતી બાબતો સર્ચ કરવામાં મોટો ઉછાળો આવ્યો છે જેમાં સૌથી વધુ ભારતીયો સર્ચ કરી રહ્યા છે. 

જોબ્સ શોધવા માટે શબ્દો જેવા કે “work visa”, “H1B visa”, “H1-B visa”, “H2B visa”, “H2-B visa”, “immigration visa”, “immigrant visa”, “employment visa” વગેરે માં સપ્ટેમ્બર 2017 અને સપ્ટેમ્બર 2018માં 673%નો જંગી ઉછાળો નોંધાયો હતો. આ વધારા પાછળ વિઝાની કડક થયેલી નીતિ જવાબદાર ગણાય છે.

શું છે H1B? 

H1B વિઝા વિદેશીઓને અમેરિકામાં 6 વર્ષ સુધી રહેવા અને નોકરી કરવાની પરવાનગી આપતો દસ્તાવેજ છે. આ દસ્તાવેજ હવે પહેલા જેટલી સહેલાઇથી મળતો નથી. કોઈ ને કોઈ કારણોસર H1B માંગનારાઓને રિજેક્ટ કરી દેવાય છે. 

વિદેશી નોકરી કરનાર સતત એવી કંપનીની શોધમાં હોય છે જે તેમને સ્પોન્સર કરે અને તેમને વિઝાની સુરક્ષા આપે. 

અમેરિકા રહેતા વિદેશીઓ પણ છે ચિંતામાં

આ પ્રકારના શબ્દો સર્ચ કરવાવાળા મોટાભાગના સહજ રીતે વિદેશના હતા જયારે કેટલાક સર્ચ USAથી નોંધાયા હતા. સ્વાભાવિક રીતે USAમાં અત્યારે રહેતા અને ભણતા લોકો જોબ શોધવા આ શબ્દો સર્ચ કરી રહ્યા છે. વિઝાને લગતા શબ્દોને લગતું સર્ચિંગ 2018 નવેમ્બરમાં સૌથી વધુ 88.2% સુધી પહોંચી ગયું.

ભારતીયો આ સર્ચમાં સૌથી ટોચ ઉપર 

આ શબ્દો સર્ચ કરવા વાળા સૌથી વધુ ભારતીયો હતા. 5 સર્ચ કરવા વાળા માંથી 1 ભારતીય હતો. નોંધનીય છે કે દર વર્ષે ભારતીયો મોટાભાગના H1Bના સ્લોટ્સ મેળવે છે.