ટેસ્ટ / બુમરાહની આંધીમાં ઉડયું વેસ્ટ ઇન્ડિઝ, એન્ટીગુઆ મેચમાં ભારતનો 318 રનથી ભવ્ય વિજય

ભારત તરફથી જસપ્રીત બુમરાહે શાનદાર પ્રદર્શન દાખવતાં 5 વિકેટ ઝડપી હતી. જ્યારે ઇશાંત શર્માએ 3 અને શમીએ બે વિકેટ ઝડપી હતી. જસપ્રીત બુમરાહે પોતાના કેરિયરમાં ચોથી વખત પાંચ વિકેટ લીધી. રનની જીતને લઇને ભારતનો આ વિદેશની ધરતી પર મોટો વિજય છે. જ્યારે વેસ્ટ ઇન્ડિઝ સામે પણ ટેસ્ટની આ સૌથી મોટી જીત છે.
 

પ્રથમ ટેસ્ટ મેચની વાત કરીએ તો ભારતે પ્રથમ ઇનિંગ્સમાં 297 રન બનાવ્યા હતા. જેના જવાબમાં ભારતીય બોલરો પ્રથમ ઇનિંગ્સમાં શાનદાર પ્રદર્શન દાખવતાં વેસ્ટ ઇન્ડિઝની ટીમ પ્રથમ ઇનિંગ્સમાં માત્ર 222 રનમાં ઓલઆઉટ ગઇ હતી.

ઇશાંત શર્માએ પ્રથમ ઇનિંગ્સમાં સૌથી વધુ 5 વિકેટ ઝડપી હતી. જેને લઇને ભારતને પ્રથમ ઇનિંગ્સમાં 75 રનની લીડ મળી હતી. જ્યારે ભારતની ટીમે બીજી ઇનિંગ્સમાં 7 વિકેટે 343 રન બનાવી ઇનિંગ્સ ડીકલેર કરી દીધી હતી. ભારેત વેસ્ટ ઇન્ડિઝ સામે 419 રનનો લક્ષ્યાંક રાખ્યો હતો. ભારત તરફથી બીજી ઇનિંગ્સમાં રહાણેએ 102ની શાનદાર ઇનિંગ્સ રમી હતી.
 

લક્ષ્યનો પીછો કરવા મેદાનમાં ઉતરેલી વેસ્ટ ઇન્ડિંઝની ટીમ બીજી ઇનિંગ્સમાં 100 રનમાં ઓલઆઉટ થઇ ગઇ હતી. આમ ભારત તરફથી જસપ્રીત બુમરાહે 5 ઇશાંત શર્માએ 3 અને શમીએ 2 વિકેટ ઝડપી હતી. વેસ્ટ ઇન્ડિઝની ટીમની 9 વિકેટ માત્ર 50 રનની અંદર પડી ગઇ હતી.