આત્મનિર્ભર / ચીનના ઈરાદા પર પાણી ફેરવવા ભારત બનાવશે આટલા સબમરીન, તૈયારીઓ શરુ

• સમુદ્રમાં ચીનને ટક્કર આપશે ભારત
• ભારત બનાવશે 24 સબમરીન
• 55 હજાર કરોડમાં બનશે સબમરીન
• ટેન્ડર પ્રક્રિયા થશે શરૂ 

સમુદ્રમાં ચીનને ટક્કર આપવા ભારત 6 સબમરીન બનાવશે. 55 હજાર કરોડની 6 સબમરીન માટે  ટેન્ડર પ્રક્રિયા શરૂ થશે.  ચીની નૌસેનાની વધતી તાકાતને પગલે ભારતે નિર્ણય કર્યો છે. વ્યુહાત્મક ભાગીદારી મૉડલ હેઠળ ભારતમાં સબમરીનનું નિર્માણ થશે.

પરમાણુ હુમલો કરવાની ક્ષમતાવાળી 6 સબમરીન સહિત 24 સબમરીન ખરીદવાની યોજના તૈયાર કરી છે.  8થી 10 વર્ષમાં ભારતીય નૌસેનાની તસવીર બદલાઈ જશે. ભારત પાસે 15 સબમરીન અને 2 પરમાણુ સંપન્ન સબમરીન છે.  ચીન પાસે 50થી વધુ સબમરીન અને 350 યુદ્ધ જહાજ છે. 

ચીનને સમુદ્રમાં ટક્કર આપવા માટે હવે ભારત પણ 6 પરમાણુ યુદ્ધની ક્ષમતા ધરાવતી સબમરીન બનાવશે. 55 હજાર કરોડ રૂપિયાના મેગા પ્રોજેક્ટ માટે ટેન્ડર પ્રક્રિયા શરૂ કરવામાં આવશે.. આ ટેન્ડર પ્રક્રિયા ઓક્ટોબરમાં શરૂ થશે.. ભારતીય નૌસેનાને 6 પરમાણુ હુમલો કરવાની ક્ષમતા ધરાવતી સબમરીન સહિત 24 સબમરીન બનાવવામાં આવશે. 

આ સબમરીનનું નિર્માણ વ્યુહાત્મક ભાગીદારી મોડલ હેઠળ કરવામાં આવશે.  ચીની નૌસેનાની વધતી તાકાતને પગલે ભારતે આ નિર્ણય લીધો છે. પ્રોજેક્ટ માટે બે ભારતીય શિપયાર્ડ અને 5 વિદેશી રક્ષા કંપનીના નામની યાદી તૈયાર કરવામાં આવી છે. મેક ઈન ઈન્ડિયા હેઠળ આ યોજના સૌથી મોટુ સાહસ છે. ભારતની એલ એન્ડ ટી અને સરકારી મઝગાંવ ડૉક લિમિટેડની પસંદગી કરવામાં આવી છે. જ્યારે વિદેશીકંપનીઓમાં જર્મની, સ્પેન અને ફ્રાંસની કંપની સામેલ છે.. આગામી 8થી 10 વર્ષમાં સબમરીન આવવાથી ભારતીય નૌસેનાની તસ્વીર બદલાઈ જશે.  ભારત પાસે હાલ 15 સબમરીન છે. અને 2 પરમાણુ સંપન્ન સબમરીન છે. જ્યારે ચીન પાસે 50થી વધુ સબમરીન અને 350થી વધુ યુદ્ધ જહાજ છે.