વિશ્વ / 'ભારત રશિયન તેલ ખરીદવાનું બંધ કરે નહીંતર...' ડોનાલ્ડ ટ્રમ્પના મંત્રીએ ફરી ધમકી આપી

અમેરિકાના વાણિજ્ય સચિવ હોવર્ડ લુટનિકે ફરી એકવાર પુનરોચ્ચાર કર્યો કે ભારતે રશિયન તેલ ખરીદવાનું બંધ કરવું પડશે, તો જ ઊંચા ટેરિફ અને વેપાર સોદા પર વાતચીત થઈ શકશે . લુટનિકે કહ્યું કે હાલમાં તેઓ ભારત સાથેના વેપાર સોદા પર નજીકથી નજર રાખી રહ્યા છે .

રશિયા પાસેથી તેલ ખરીદવા અંગે લુટનિકનું નિવેદન

એક અહેવાલ મુજબ, હોવર્ડ લુટનિકે કહ્યું, "જ્યારે ભારત રશિયન તેલ ખરીદવાનું બંધ કરશે , ત્યારે અમે તેમની સાથેની બધી સમસ્યાઓનો ઉકેલ લાવીશું."

એક તરફ, અમેરિકાના રાષ્ટ્રપતિ ડોનાલ્ડ ટ્રમ્પ વડા પ્રધાન નરેન્દ્ર મોદીને પોતાના ખાસ મિત્ર કહી રહ્યા છે, તો બીજી તરફ તેમના મંત્રીઓ ભારતને ધમકી આપી રહ્યા છે. હોવર્ડ લુટનિકે સ્પષ્ટ સંકેત આપ્યો છે કે ભારતે રશિયન તેલ ખરીદવાનું બંધ કરવું જોઈએ નહીંતર ટેરિફ અને વેપાર સોદા પર કોઈ વાતચીત થશે નહીં.

વધુ વાંચો: અનામતનો લાભ લેનાર ઉમેદવાર રિઝલ્ટ પછી જનરલ કેટેગરીમાં જઈ શકે? સુપ્રીમ કોર્ટે કરી સ્પષ્ટતા

હોવર્ડ લુટનિક રશિયન તેલ ખરીદવા બદલ ભારત પર સતત નિશાન સાધી રહ્યા છે. તાજેતરમાં તેમણે કહ્યું હતું કે 50ટકા ટેરિફનો સામનો કરી રહેલ ભારત ટૂંક સમયમાં અમેરિકન દબાણ સામે ઝૂકી જશે. ગયા અઠવાડિયે બ્લૂમબર્ગને આપેલા ઇન્ટરવ્યુમાં તેમણે કહ્યું હતું કે, "મને લાગે છે કે એક કે બે મહિનામાં ભારત વાટાઘાટોના ટેબલ પર હશે. તેઓ માફી માંગશે અને રાષ્ટ્રપતિ ડોનાલ્ડ ટ્રમ્પ સાથે સમાધાન કરવાનો પ્રયાસ કરશે."

પીએમ મોદીને મિત્ર કહ્યા બાદ ટ્રમ્પના મંત્રીએ આપ્યું નિવેદન

ટ્રમ્પે શુક્રવારે (5 સપ્ટેમ્બર 2025, " ભારત અને અમેરિકા વચ્ચે ખાસ સંબંધ છે . ચિંતા કરવાની કોઈ વાત નથી . " તેમની ટિપ્પણીના કલાકો પછી, પીએમ મોદીએ શનિવારે જવાબ આપ્યો, અને કહ્યું કે તેઓ રાષ્ટ્રપતિ ટ્રમ્પની ભાવનાઓની કદર કરે છે અને તેમને સંપૂર્ણ સમર્થન આપે છે. પીએમ મોદીએ ઇન્સ્ટાગ્રામ પર પોસ્ટ કર્યું, "હું રાષ્ટ્રપતિ ટ્રમ્પની ભાવનાઓ અને અમારા સંબંધોના સકારાત્મક મૂલ્યાંકનની હૃદયપૂર્વક પ્રશંસા કરું છું અને તેમનું સંપૂર્ણ સમર્થન કરું છું. ભારત અને અમેરિકા ખૂબ જ સકારાત્મક અને દૂરંદેશી વ્યાપક અને વૈશ્વિક વ્યૂહાત્મક ભાગીદારી ધરાવે છે."

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ