આંકડા / ભારત પાસેથી વિશ્વની 5મી અર્થવ્યવસ્થાનો તાજ છિનવાયો

જેના કારણે બન્ને દેશ એક એક ક્રમ આગળ વધ્યા છે. બ્રિટેન પાંચમા સ્થાને છે તો ફ્રાંસ છઠ્ઠા સ્થાને છે. જેના કારણે ભારત પાંચમા સ્થાનેથી સરકીને સાતમા સ્થાને પહોંચી ગયું છે. જોકે અમેરિકા ટોપ પર યથાવત્ છે. આંકડાઓ પર નજર કરીએ તો ભારતીય અર્થવ્યવસ્થા 2018માં 3.01 ટકા જ વધી છે.
 

જ્યારે વર્ષ 2017માં 15.23 ટકાનો વધારો થયો હતો. જ્યારે બ્રિટેનની અર્થવ્યવસ્થા 2018માં 6.81 ટકા વધી છે. ફ્રાંસની વાત કરીએ તો અર્થવ્યવસ્થામાં 2018માં 7.33 ટકાનો વધારો થયો છે. જેથી બ્રિટન અને ફ્રાંસ ભારતને પછાડીને આગળ સ્થાન પર આવ્યાં છે.

 

બ્રિટેનની અર્થવ્યવસ્થા વધીને 2.82 ટ્રિલિયન ડોલર થઈ ગઈ છે. ફ્રાંસની 2.78 ટ્રિલિયન ડોલર અને ભારતની અર્થવ્યવસ્થા 2.73 ટ્રિલિયન ડોલર સુધી પહોંચી ગઈ છે. બીજી તરફ કેન્દ્રની મોદી સરકારે આગામી પાંચ વર્ષમાં ભારતીય અર્થવ્યવસ્થાને 5 ટ્રિલિયન ડોલર સુધી પહોંચાડવાની વાત કરી છે. એવામાં વિશ્વ બેંકના આ આંકડા હેરાન પરેશાન કરી દે તેવા છે.

જો કે અર્થશાસ્ત્રીનું માનીએ ભારતનું સાતમા સ્થાન પર પહોંચવા પાછળનું કારણ અમેરિકા ડોલરના મુકાબલે રૂપિયો કમજોર થયો તે છે. ખરેખર, 2017માં અમેરિકાન ડોલરની સરખામણીએ રૂપિયામાં ત્રણ ટકા ઉછાળ હતો, પરંતુ 2018માં ભારતીય મુદ્રામાં પાંચ ટકાનો ઘટાડો જોવા મળ્યો છે.