ફાઈનાન્સ / ઇન્કમ ટેક્સના રિટર્ન વેરિફિકેશન ભરી શકો છો ATM વડે; ફક્ત 7 દિવસ છે બાકી

સમયસર ઈન્ક્મ ટેક્સ રિટર્ન ભરવાથી તમને માનસિક શાંતિ મળશે અને તમે છેલ્લે છેલ્લે વધુ પડતા લોકોની કતારમાંથી મુક્તિ મળશે.  

ઇન્કમ ટેક્સનું વાર્ષિક રિટર્ન ભરતા લોકો માટે સૌથી અગત્યનો ભાગ ફાઇલિંગ પ્રોસેસ પત્યા પછીના વેરિફિકેશનનો હોય છે. 

આ ઈ વેરિફિકેશનની પ્રક્રિયાને વધુ વધુ આસાન બનાવી શકાય છે. ઈન્ક્મ ટેક્સ વિભાગે નવી ઈ ફાઈલિંગ સિસ્ટમ બહાર પાડી છે. આ પ્રક્રિયામાં ઓનલાઈન વેરિફિકેશન સરળતાથી કરી શકાય છે. આ પ્રક્રિયા આધાર નંબર, ઇન્ટરનેટ બેન્કિંગ, ATM અથવા ઈમેલથી થઇ શકે છે. 

ઇન્કમ ટેક્સના રિટર્નનું વેરિફિકેશન બેંક ATM દ્વારા આ રીતે કરી શકાય છે 

1. ઇન્કમ ટેક્સના રિટર્નનું વેરિફિકેશન કરવા નજીકના ATMની બ્રાન્ચની મુલાકાત લો
2. તમારું ATM કાર્ડ દાખલ કરો અને તમારો PIN એન્ટર કરો
3. Pin for e-filing નામનો વિકલ્પ દેખાશે તેની ઉપર ક્લિક કરો 
4. તેની ઉપર ક્લિક કરવાથી એક કોડ જનરેટ થશે જે તમારા રજીસ્ટર્ડ મોબાઈલમાં SMS તરીકે આવશે 
5. આ કોડ 72 કલાક માટે માન્ય રહેશે
6. હવે ઇન્કમ ટેક્સ ડિપાર્ટમેન્ટની વેબસાઈટની મુલાકાત લો 
7. માય એકાઉન્ટ ઉપર ક્લિક કરો 
8. ઈ-વેરિફિકેશન ઉપર ક્લિક કરો અને તમારો કોડ એન્ટર કરો 
9. આમ કરવાથી તમારું ઈ વેરિફિકેશન થઇ જશે 
10. નોંધનીય છે કે કોરોનાને કારણે ઇન્કમ ટેક્સના રિટર્ન ફાઈલ કરવાની તારીખ વધારીને 31 ડિસેમ્બર સુધી કરી છે.