અનોખી પહેલ / 'દારૂ પીતા કે જુગાર રમતા પકડાયા તો થશે 11000નો દંડ', પાટણના જાણીતા ગામમાં લેવાયો નિર્ણય

પાટણ જિલ્લાના શંખેશ્વર તાલુકામાં આવેલ તારાનગર ગામ દ્વારા એક મહત્વપૂર્ણ અને પ્રશંસનીય નિર્ણય લીધો છે. ગામના તમામ લોકોએ મળીને દારૂના સેવન, વેચાણ તેમજ જુગાર જેવી ગેરકાયદેસર પ્રવૃતિઓ સામે કડક વલણ અપનાવવાનું નક્કી કર્યું છે.

ગામના લોકોની મળેલી સભામાં નિર્ણય લેવામાં આવ્યો

તાજેતરમાં તારાનગર ગામમાં બોલાવવામાં આવેલી સામૂહિક સભામાં એક મતથી ઠરાવ કરવામાં આવ્યો કે હવે ગામની હદમાં દારૂનું સેવન કે વેચાણ તેમજ જુગાર રમવામાં આવશે તો તે વ્યક્તિ સામે કડક કાર્યવાહી કરવામાં આવશે.

અંકુશ માટે કડક દંડની જોગવાઈ

નિયમ ભંગ કરનાર વ્યક્તિ પાસેથી ₹11,000 રૂપિયાનો દંડ વસૂલ કરવામાં આવશે. સાથે જ, પુનરાવૃત્તિ થાય તો વધુ કડક પગલા લેવાશે.

આગેવાનો અને ગ્રામજનોનો સહયોગ

આ પગલાને આગેવાનો, યુવાનો અને વડીલોએ એકસાથે આવકાર્યો છે. દરેકે પોતાના પરિવાર અને આવનારી પેઢી માટે સ્વસ્થ અને વ્યસનમુક્ત સમાજનું નિર્માણ કરવાનું વચન આપ્યું.

આ પણ વાંચોઃ સેંકડો પરિવારો અચાનક બન્યા બેરોજગાર, નવા નિર્ણયથી 500 હોમગાર્ડ જવાનોની આવક છીનવાઈ

ગ્રામજનોની પહેલ બાકી ગામો માટે પ્રેરણા

તારાનગર ગામનો આ નિર્ણય પાટણ જિલ્લામાં જ નહીં, પરંતુ સમગ્ર ગુજરાતના અન્ય ગામો માટે પણ પ્રેરણારૂપ સાબિત થઈ શકે છે. જો તમામ ગામો આવું જ સખત અને સામૂહિક વલણ અપનાવે, તો નશીલા પદાર્થોના સેવનથી રોકી શકાય.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ