આગાહી / ભર ઉનાળે વરસાદી યોગ! દેશના આ રાજ્યોમાં આફતના વરતારા, હવામાન વિભાગની ચેતવણી

ઉત્તર ભારતમાં ગરમી વચ્ચે હવામાન વિભાગે કહ્યું છે કે દેશના વિવિધ ભાગોમાં વરસાદ પડશે. ઉત્તર-પૂર્વ ભારતમાં 9 એપ્રિલ સુધી એટલે કે પાંચ દિવસ સુધી ભારે વરસાદ અને વાવાઝોડાની ચેતવણી જાહેર કરવામાં આવી છે. આ ઉપરાંત આગામી બે દિવસ સુધી ઘણા રાજ્યોમાં ભારે ગરમીને કારણે હીટવેવની સ્થિતિ રહેશે.

છેલ્લા 24 કલાકની વાત કરીએ તો ઉત્તરીય આંતરિક કર્ણાટક, રાયલસીમા, તટીય આંધ્રપ્રદેશ, યાનમમાં ગરમીની લહેર જોવા મળી હતી. આ સિવાય અરુણાચલ પ્રદેશ, સબ હિમાલયન પશ્ચિમ બંગાળ, સિક્કિમ, હિમાચલ પ્રદેશ, ઉત્તરાખંડમાં વરસાદ અને હિમવર્ષા થઈ હતી. નાગાલેન્ડ, આસામ, મણિપુર, ત્રિપુરા, ગંગા પશ્ચિમ બંગાળ, ઓડિશા, ઝારખંડ, બિહાર, પશ્ચિમ રાજસ્થાન, તમિલનાડુ, પુડુચેરી, કરાઈકલ, દક્ષિણ આંતરિક કર્ણાટક અને કેરળમાં પણ હળવોથી મધ્યમ વરસાદ નોંધાયો છે.

હવામાન વિભાગનું કહેવું છે કે જમ્મુ-કાશ્મીર, લદ્દાખ, હિમાચલ પ્રદેશમાં 5, 6, 10 અને 11 એપ્રિલે અને ઉત્તરાખંડમાં આગામી સાત દિવસ સુધી હળવો વરસાદ અને હિમવર્ષા થવાની છે.  રાજસ્થાનમાં પણ 5, 6, 10, 11 અને 11 એપ્રિલના રોજ હળવાથી મધ્યમ વરસાદ થવાની છે.

આ સિવાય અરુણાચલ પ્રદેશ, આસામ, મેઘાલય, નાગાલેન્ડ, મણિપુર, મિઝોરમ અને ત્રિપુરામાં આગામી સાત દિવસ સુધી ભારે આંધી, વીજળી અને વરસાદની ચેતવણી જારી કરવામાં આવી છે. બિહારમાં 7 થી 8 એપ્રિલ અને ઝારખંડમાં 6 થી 9 એપ્રિલ દરમિયાન વરસાદ અને વાવાઝોડાની સંભાવના છે.

વધુ વાંચો : લૂ એલર્ટ સાથે દેશના અનેક રાજ્યોમાં આજે વરસાદની આગાહી, કેવો રહેશે હવામાનનો મિજાજ, જાણો IMD અપડેટ

દિલ્હીમાં હળવા વરસાદની શક્યતા

શુક્રવારે દિલ્હીમાં લઘુત્તમ તાપમાન 20.2 ડિગ્રી સેલ્સિયસ નોંધાયું હતું, જે સિઝનની સરેરાશ કરતાં એક ડિગ્રી વધારે છે. ભારતીય હવામાન વિભાગે ભારે પવન સાથે હળવા વરસાદ સાથે સામાન્ય રીતે વાદળછાયું દિવસ રહેવાની આગાહી કરી છે. સવારે 8:30 કલાકે ભેજનું પ્રમાણ 52 ટકા નોંધાયું હતું. મહત્તમ તાપમાન 36 ડિગ્રીની આસપાસ રહેવાની શક્યતા છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો