એચડીએફસી બેંકે ગ્રાહકો માટે 'સમર ટ્રિટ્સ' નામની એક ઓફર શરૂ કરી છે. આ અંતર્ગત ડિસ્કાઉન્ટ, નો-કોસ્ટ ઇએમઆઈ, નો ડાઉન પેમેન્ટ, કેશબેક, રિવૉર્ડ પોઇન્ટ્સ સહિતની ઘણી ઓફર્સ છે. કંપનીએ નિવેદનમાં જણાવ્યું કે, દેશવાસીઓ લોકડાઉનમાંથી બહાર નીકળ્યા બાદ ગ્રાહકોની બદલાતી જરૂરિયાતોને ધ્યાનમાં રાખીને આ ઓફર્સ આપવામાં આવી રહી છે. આ ઓફર્સ બેંકના કાર્ડ, ઇએમઆઈ, લોન અને Payzapp પર મળશે.
HDFC બેંકના ગ્રાહકો માટે સારા સમાચાર
બેંક ગ્રાહકોને ઓફર કરી રહી છે અઢળક સ્કીમ્સ
કંઈપણ ખરીદવાનું હોય તો જાણી લો બેંકની સ્કીમ્સ
બેંકે એક નિવેદનમાં જણાવ્યું છે કે, કોવિડ-19 ના ફેલાવાને રોકવા માટે લેવામાં આવેલા પગલાંથી ગ્રાહકોની જીવનશૈલી અને માંગ બદલાઈ ગઈ છે. વર્ક ફ્રોમ હોમ અને ઘરે જ સ્કૂલના અભ્યાસને કારણે ફોન, ટેબ્લેટ્સ, કમ્પ્યુટર અને તેનાથી સંબંધિત એસેસરીઝની માંગ વધી છે. આ સાથે સુરક્ષિત ડિજિટલ પેમેન્ટ અને ખાનગી પરિવહન માટેની માંગ પણ વધી રહી છે. આ સિવાય પણ ઘણાં બદલાવ આવી રહ્યા છે. આવી સ્થિતિમાં ઇલેક્ટ્રોનિક ઉપકરણો, શૈક્ષણિક, મનોરંજન અને ફિટનેસ સબ્સ્ક્રિપ્શન્સ વગેરેની માંગમાં વધારો થયો છે. તેવી જ રીતે દુકાનો અને વ્યવસાયો ખોલવાનું શરૂ કર્યું છે, જેથી વેપારીઓને વ્યવસાય ફાઇનાન્સની જરૂર છે.
HDFC બેંક આપી રહી છે આ ઓફર્સ
iPhone SE લોન્ચ પર એક્સક્લૂસિવ ડિસ્કાઉન્ટ
લાર્જ એપ્લાયન્સિસ પર નો કોસ્ટ ઈએમઆઈ અને નો ડાઉન પેમેન્ટનો ઓપ્શન
સિલેક્ટેડ બ્રાન્ડ્સ પર ડિસ્કાઉન્ટ અને કેશબેક
ક્રેડિટ કાર્ડ દ્વારા ઓનલાઈન ખર્ચ કરવા પર 50 ટકા એક્સ્ટ્રા રિવોર્ડ પોઈન્ટ્સ
પ્રથમ ત્રણ મહિના માટે બેંકની કાર લોનમાં 70% સુધી ઓછી ઇએમઆઈ ઓફર
બેંકની ટુ-વ્હીલર લોન પર 3 મહિના માટે 50% સુધી ઓછી ઈએમઆઈની ઓફર
સેલરી મેળવનારા કર્મચારીઓ માટે ઓવરડ્રાફ્ટની સુવિધા
સેલ્ફ એમ્પ્લોઈડ ગ્રાહકો માટે ઘણી કસ્ટમ મેડ ફાઈનાન્સ સ્કીમ્સ
પર્સનલ લોન, ગોલ્ડ લોન, ક્રેડિટ કાર્ડ પર લોન, પ્રોપર્ટી પર લોન, બિઝનેસ અને હોમ લોન પર ઓફર્સ
ડેબિટ કાર્ડ, ક્રેડિટ કાર્ડ અથવા Payzapp દ્વારા ઓનલાઈન ખર્ચ પર એક્સ્ટ્રા રિવોર્ડ