રાજનીતિ / ગુજરાતભરમાં કોંગ્રેસની 'મોહબ્બ્ત કી દુકાન' કાર્યક્રમ, અનોખી ઉજવણી કરવાનું કારણ પણ છે ખાસ

• ભારત જોડો યાત્રને  એક વર્ષ પૂરું થતા યુવા કોંગ્રેસ કરશે ઉજવણી
• યુવા કોંગ્રેસ રાજ્યમાં આવનારા ત્રણ મહિનામાં વિવિધ કાર્યક્રમ કરશે
• સરકારમાં બેરોજગારીનો  દર 7.95 ટકા થયો છે: કોંગ્રેસ

politics news : લોકસભાની ચૂંટણીને લઈ કોંગ્રેસે તૈયારીઓ શરૂ કરી દીધી હોય તેવું ચોક્કસપણે લાગી રહ્યું છે. પ્રદેશ પ્રમુખની જવાબદારી શક્તિસિંહ ગોહિલે સંભાળ્યા પછી ફરી એકવાર કોંગ્રેસ સક્રિય થઈ છે. રાહુલ ગાંધીની 'ભારત જોડો યાત્રા'ને એક વર્ષ પૂરું થતા ભારતીય યુવા કોંગ્રેસ વિવિધ પ્રકારનાં કાર્યક્રમો શરૂ કરશે તેવી ગુજરાત યુવા કોંગ્રેસના ઉપપ્રમુખ અને મહામંત્રીએ  માહિતી આપી હતી.

'યુથ કોંગ્રેસ રાજ્યમાં કાર્યક્રમો કરશે'
ગુજરાત પ્રદેશ યુવા કોંગ્રેસના ઉપપ્રમુખ  મનીષા પરીખે જણાવ્યું હતું કે, રાહુલ ગાંધીની 'ભારત જોડો યાત્રા'ની ચર્ચા ભારત દેશમાં જ માત્ર નથી થઈ પણ વિદેશમાં ભારે ચર્ચા કરવામાં આવી હતી.રાહુલ ગાંધીની સકારાત્મક  વિચારના કારણે  દેશમાં લોકપ્રિયતમાં વધારો થયો છે. રાહુલ ગાંધીએ ભારત જોડો યાત્રામાં ગરીબો, વંચિતો , બેરોજગાર અને ખેડૂતો સાથે સંવાદ કર્યો હતો. 'ભારત જોડો યાત્રા'ને એક વર્ષ પૂરું થતા યુથ કોંગ્રેસ રાજ્યમાં વિવિધ પ્રકારના કાર્યક્રમો આપશે. 

યુવા કોંગ્રેસના મહામંત્રી મુકેશ આંજણાએ શું કહ્યું ?
ગુજરાત યુવા કોંગ્રેસના મહામંત્રી મુકેશ આંજણાએ જણાવ્યું હતું કે, આગામી ત્રણ મહિનામાં યુવા કોંગ્રેસ સાથે મળીને પ્રદેશ કોંગ્રેસ સાથે સંકલન કરીને 'ભારત જોડો' યાત્રનું આયોજન કરવામાં આવશે. યુવા કોંગ્રેસ પ્રદેશ અને જિલ્લા સ્તર પર 'મોહબ્બ્ત કી દુકાન' બેનર હેઠળ કાર્યક્રમ કરશે. સાથો સાથ સામાજિક અને સાંસ્કૃતિક  કાર્યક્રમોનું આયોજન કરવામાં આવશે. યુવા કોંગ્રેસ 'ભારત જોડો' યાત્રાનો સંદેશો લોકો સુધી પહોંચાડવા માટે ફોટો પ્રદર્શન અને 'સ્પીક ઉપ ફોર ભારત જોડો' કાર્યક્રમ અને વિવિધસ્તર  પર યુવા કોંગ્રેસ રમત ગમત અને રક્તદાન શિબિરનું આયોજન કરવામાં આવશે.

 નોકરી આપવાનો વાયદો જૂઠો સાબિત થયો છે : મુકેશ આંજણા
ગુજરાત પ્રદેશ યુવા કોંગ્રેસના મહામંત્રી મુકેશ આંજણા કેન્દ્ર સરકાર પર પ્રહાર કરતા જણાવ્યું હતું કે, કેન્દ્ર સરકારે દેશવાસીઓને જુઠા વચન આપીને સત્તા હાંસલ કરી છે. પ્રતિ વર્ષ 2 કરોડ નોકરી આપવાનો વાયદો જૂઠો સાબિત થયો છે. દેશના યુવાનો સાથે નીચે સરકારે ગદ્દારી કરી છે. ભારત દેશમાં મોટા ભાગના યુવાનો દસ પંદર હજારની નોકરી કોન્ટ્રાકટ પર કરીને પોતાના જીવનનો અમૂલ્ય સમય બરબાદ કરી રહ્યા છે. ભારતમાં બેરોજગારીનો દર 7.95 ટકા થયો છે. તે શરમજનક બાબત કહી શકાય છે. દેશમાં 9.64 લાખ નોકરીની જગ્યા ખાલી પડી છે,  સરકાર દ્વારા ભરવામાં આવી રહી નથી.