બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અન્ય જિલ્લા / PHOTOS : નવસારી જળબંબાકાર, પૂર્ણા નદીએ ભયજનક સપાટી વટાવી, તંત્ર ઍલર્ટ
8 ફોટો ગેલેરી
Last Updated: 03:32 PM, 7 July 2025
FOLLOW ON
શેર કરો
1/8
નવસારીમાં ઉપરવાસમાં ભારે વરસાદથી પૂરની સ્થિતિ સર્જાઈ છે. અને પૂર્ણા નદી ભયજનક સપાટીથી 3 ફૂટ ઉપર વહી રહી છે તેમજ રાત્રે નદી 26 ફૂટે વહેતા નીચાણવાળા વિસ્તારોમાં ભરાયા હતા. જેના પગલે શહેરમાં 550થી વધુ લોકોનું સ્થળાંતર કરવામાં આવ્યું હતું. આજે પણ હવામાન વિભાગે ભારે વરસાદની આગાહી કરી છે.
આ તસવીર શેર કરો
2/8
નવસારી શહેરમાં પૂરની પરિસ્થિતિ અને વરસાદની આગાહીને ધ્યાનમાં રાખીને શાળા તેમજ આંગણવાડીમાં આજે રજા જાહેર કરવામાં આવી છે. નવસારી જિલ્લા વિકાસ અધિકારીએ નિર્ણય કર્યો હતો. નવસારીમાં પૂરની સ્થિતિને પગલે હવે જિલ્લાની અન્ય શાળાઓમાં સ્થાનિક કક્ષાએ નિર્ણય લેવામાં આવી શકે છે. સ્થાનિક પરિસ્થિતિને ધ્યાને લઈ રજા આપી શકાશે.
આ તસવીર શેર કરો
3/8
ઉપરવાસમાં ભારે વરસાદથી નવસારી શહેર જાણે પાણીમાં ગરકાવ થયું હતું. અનેક વિસ્તારો પાણી પાણી થયા હતા. શહેરના રિંગરોડ પર ઘૂંટણસમા પાણી ભરાયા હતા. જેના પગલે વાહનચાલકોને હાલાકીનો સામનો કરવો પડ્યો હતો. આ ટ્રાફિક જામની પણ સમસ્યા સર્જાઈ હતી.
આ તસવીર શેર કરો
4/8
નવસારીમાં વરસાદથી અનેક માર્ગો પર પાણી ફરી વળ્યાં છે. ગ્રામ્ય વિસ્તારોમાં ભારે વરસાદની અસર જોવા મળી છે. સ્ટેશન રોડ, મંકોડિયા, ધાનેરા પોઇન્ટ સહિત અનેક વિસ્તારોમાં ભારે વરસાદ નોંધાયો છે. વરસાદના પગલે પૂર્ણા, અંબિકા અને કાવેરી નદીઓની જળસપાટીમાં નોંધપાત્ર વધારો થયો છે.
આ તસવીર શેર કરો
5/8
ભારે વરસાદને કારણે વાંસદા તાલુકામાંથી પસાર થતી નદીઓ ઉપર આવેલા કોઝવે પર પાણી ફરી વળતાં અનેક માર્ગો બંધ કરવામાં આવ્યા હતા. સીંગાડથી મોટાફળિયા થઈને સુરતના મહુવા જતા મુખ્ય માર્ગ પર પણ ટ્રાફિક બંધ કરવામાં આવ્યો હતો.
આ તસવીર શેર કરો
6/8
આજે નવસારી જિલ્લામાં વહેલી સવારથી જ વરસાદી માહોલ જામ્યો હતો, અને જિલ્લા અને ગ્રામ્ય વિસ્તારમાં વહેલી સવારથી સાર્વત્રિક વરસાદ નોંધાયો હતો. નવસારી જિલ્લા પ્રશાસન દ્વારા લોકોને એલર્ટ કરાયા છે. હાલ પૂર્ણા નદીમાં જોરદાર પાણીનો પ્રવાહ પસાર થઈ રહ્યો છે.
આ તસવીર શેર કરો
7/8
નવસારીમાં પૂર્ણા નદી હજુ ભયજનક સપાટી ઉપર વહી રહી છે. આ કારણે નીચાણવાળા વિસ્તારોમાં પૂર્ણા નદીના પાણી ફરી વળ્યા છે. સાથે જ શહેરના 90 કરતા પણ વધારે માર્ગો ભારે વરસાદને કારણે બંધ કરી દેવામાં આવ્યા છે. પૂર્ણા ઉપરાંત અંબિકા નદીમાં ઘોડાપૂરની સ્થિતિ સર્જાઈ છે. ભારે વરસાદને પગલે લોકોનું જનજીવન ખોરવાયું છે.
આ તસવીર શેર કરો
8/8
આગામી દિવસોમાં પણ અનેક વિસ્તારમાં વરસાદની શક્યતા છે. હવામાન વિભાગે આજે પણ અનેક જિલ્લાઓમાં ભારે વરસાદની આગાહી કરી છે. નવસારી, વલસાડ, દમણમાં ભારેથી અતિભારે વરસાદની આગાહી કરવામાં આવી છે. તો સુરત, ડાંગ, તાપી તેમજ સૌરાષ્ટ્રમાં અમરેલી, ભાવનગર સહિત મધ્ય તેમજ દક્ષિણ ગુજરાતના કેટલાક સ્થળોએ ગાજવીજ સાથે વરસાદ વરસી શકે છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
