હવામાન આગાહી / ગરમી-ઉકળાટ યથાવત, 42 ડિગ્રી સુધી રહેશે તાપમાન , ગરમીને લઈને હવામાન વિભાગની આગાહી

Gujarat Weather : રાજ્યમાં ઉનાળો દિવસેને દિવસે આકરો બનતો જઈ રહ્યો છે અને લોકો ગરમીના ભારે પ્રકોપનો સામનો કરી રહ્યા છે. હવામાન વિભાગની આગાહી મુજબ હાલની પરિસ્થિતિમાં કોઈ રાહત મળવાની શક્યતા દેખાતી નથી. આગામી 7 દિવસ સુધી રાજ્યમાં ગરમીનો માહોલ યથાવત રહેશે અને તાપમાન ઊંચું જ રહેવાનું અનુમાન છે. ખાસ કરીને બપોરના સમયે ગરમી વધુ તીવ્ર બની રહી છે જેના કારણે લોકો માટે બહાર નીકળવું મુશ્કેલ બની રહ્યું છે.

આગામી દિવસોમાં 40-42 ડિગ્રી તાપમાન યથાવત રહેશે

આગામી દિવસોમાં રાજ્યના મોટાભાગના વિસ્તારોમાં તાપમાન 40થી 42 ડિગ્રી વચ્ચે રહેવાની સંભાવના છે. અમદાવાદ અને ગાંધીનગર જેવા શહેરોમાં સતત 40 ડિગ્રીથી વધુ તાપમાન નોંધાવાનું અનુમાન છે. મધ્ય ગુજરાતમાં તાપમાન 41થી 42 ડિગ્રી સુધી પહોંચી શકે છે. જ્યારે ઉત્તર ગુજરાતમાં તો 42 ડિગ્રીથી પણ વધુ તાપમાન રહેવાની શક્યતા દર્શાવવામાં આવી છે. આ કારણે લોકો માટે ગરમી સહન કરવી વધુ મુશ્કેલ બની શકે છે.

સૌરાષ્ટ્ર અને કચ્છમાં આકરી ગરમીની અસર

સૌરાષ્ટ્ર અને કચ્છના વિસ્તારોમાં પણ આકરી ગરમીનો પ્રભાવ જોવા મળશે. અહીં તાપમાન ઊંચું રહેવા સાથે સાથે ઉકળાટની સ્થિતિ યથાવત રહેશે. દરિયાકાંઠાના વિસ્તારોમાં ગરમ પવનો ફૂંકાવાની શક્યતા છે. જેના કારણે લોકોમાં અસ્વસ્થતા વધી શકે છે. ખાસ કરીને દક્ષિણ ગુજરાત અને કોસ્ટલ વિસ્તારોમાં ડિસકમ્ફર્ટ કન્ડિશન સર્જાઈ શકે છે. જે આરોગ્ય માટે પડકારરૂપ બની શકે છે.

આ પણ વાંચો: 'ભવ્ય વિજય બદલ પીએમ મોદીને અભિનંદન પાઠવું છું' CM ભૂપેન્દ્ર પટેલે બંગાળ વિજયને વધાવ્યો

હવામાન વિભાગે જણાવ્યું છે કે આગામી 7 દિવસ સુધી ગરમીમાં કોઈ ખાસ ફેરફાર થવાનો નથી. રાજ્યમાં ગરમી અને ઉકળાટ બંને યથાવત રહેશે. જેના કારણે લોકો માટે દૈનિક જીવનમાં પણ મુશ્કેલીઓ ઉભી થઈ શકે છે. ઊંચા તાપમાનને કારણે પાણીની જરૂરિયાત વધશે અને લોકો માટે હાઇડ્રેશન જાળવવું ખૂબ જ જરૂરી બનશે.

આ પરિસ્થિતિમાં નિષ્ણાતો લોકોને ખાસ સાવચેતી રાખવાની સલાહ આપી રહ્યા છે. બપોરના સમયે બહાર જવાનું ટાળવું, પૂરતું પાણી પીવું અને શરીરને ઠંડુ રાખવા માટે યોગ્ય પગલાં લેવા જરૂરી છે. આવનારા દિવસોમાં પણ ગરમીનો પ્રકોપ યથાવત રહેવાની શક્યતા હોવાથી તમામ લોકો માટે સાવચેતી એકમાત્ર ઉપાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ