BIG BREAKING / ડૉ. અતુલ ચગ આપઘાત કેસ: ગુજરાત હાઇકોર્ટે ફગાવી પુત્રએ કરેલી કંટેમ્પ્ટ ઓફ કોર્ટની અરજી

• ડૉ.અતુલ ચગ આપઘાત કેસમાં મહત્વના સમાચાર
• ગુજરાત હાઈકોર્ટે કન્ટેમ્પ્ટ ઓફ કોર્ટની અરજી ફગાવી
• ડૉ.અતુલ ચગના દિકરાની અરજી ફગાવવામાં આવી

ડૉ.અતુલ ચગ આપઘાત કેસમાં મહત્વના સમાચાર સામે આવ્યા છે. ગુજરાત હાઈકોર્ટે કન્ટેમ્પ્ટ ઓફ કોર્ટની અરજી ફગાવી દીધી છે તમને જણાવી દઈએ કે, ડૉ.અતુલ ચગના દિકરા દ્વારા આ અરજી કરવામાં આવી હતી.

ફરિયાદ દાખલ કરવા અરજી કરવામાં આવી હતી
ગુજરાત હાઈકોર્ટે કન્ટેમ્પ્ટ ઓફ કોર્ટની અરજી ફગાવી છે તેમજ હાઈકોર્ટે કહ્યું કે, અમારા અધિકારક્ષેત્રમાં આ મામલો આવતો નથી. અત્રે ઉલ્લેખનીય છે કે, જવાબદાર અધિકારી સામે ફરિયાદ દાખલ કરવા અરજી કરવામાં આવી હતી. સાંસદ રાજેશ ચુડાસમા સામે ફરિયાદ દાખલ કરવાની પરિવારની માગ હતી.

અગાઉ અરજદારે શું કહ્યું હતું
ર્ડા. અતુલ ચગ આપઘાત કેસમાં હાઈકોર્ટમાં કંટેમ્પ્ટ અરજી પર સુનાવણી હાથ ધરવામાં આવી હતી. તેમજ હાઈકોર્ટે કન્ટેમ્પ્ટ ઓફ કોર્ટની અરજી ફગાવી છે. તમને જણાવી દઈએ કે, અગાઉ અરજદારે જણાવ્યું હતું કે, 12 ફેબ્રુઆરીએ ઘટના બની અને એ જ દિવસે સ્યુસાઈટ નોટ પણ મળી હતી. ત્યારે હજુ તપાસ ચાલુ હોવાની વાત પોલીસ કરી રહી છે. એફએસએલ રિપોર્ટમાં સ્યુસાઈટ નોટમાં અક્ષર ર્ડા. ચગનાં હોવાનો ઉલ્લેખ પણ કર્યો હતો. પોલીસે ફરી સ્યુસાઈટ નોટ એફએસએલમાં તપાસ માટે મોકલી હોવાનું કહ્યું હતું.  શા માટે તેનો ઉલ્લેખ એફિડેવિટમાં નથી.

શું છે સમગ્ર મામલો?
ગત તારીખ 12 ફેબ્રુઆરીના રોજ વેરાવળના નામાંકિત તબીબ ડોક્ટર અતુલ ચગે હોસ્પિટલના ઉપરના માળે ગળેફાંસો ખાઈ જીવન ટૂંકાવી લીધું હતું. જે મામલે સ્ટાફે પોલીસને જાણ કરતા પોલીસ ઘટનાસ્થળે દોડી આવી હતી. પોલીસે મૃતકની સ્યુસાઈડ નોટ સંદર્ભે ઊંડાણ પૂર્વકની તપાસ હાથ ધરી હતી. આ મામલે અનેક ચોંકાવનારા આરોપ લાગી રહ્યા છે.

મળી હતી સુસાઇડ નોટ
આત્મહત્યા બાદ તબીબ અતુલ ચગની સુસાઇડ નોટ પણ મળી હતી. જેમાં નારણ નામના વ્યક્તિ અને રાજેશ ચુડાસમાનું નામ હતું. જેથી રઘુવંશી ક્રાંતિ મંચના ઉપપ્રમુખે રાજકીય વગ ધરાવતા લોકોને આપઘાત માટે જવાબદાર ગણાવ્યા હતા. સાથે જ તેમણે સુસાઇડ નોટમાં રાજકીય વગ ધરાવતા લોકોના નામ હોવાનું નિવેદન આપ્યું હતું. જવાબદાર લોકો સામે નક્કર કાર્યવાહી કરવા અને મૃતક તબીબના પરિવારને ન્યાય આપવાની માગ કરી હતી