ગાંધીનગર / ગુજરાત પોલીસ બેડામાં મોટા ફેરફાર, 4 IPS અધિકારીઓની નિમણૂક, 6 SPની બદલી

Gandhinagar News: ગુજરાત સરકારના ગૃહ વિભાગ દ્વારા પોલીસ બેડામાં મોટા ફેરફાર કરવામાં આવ્યા છે. 4 નવા આઇપીએસ અધિકારીની નિમણૂક કરવામાં આવી છે તેમજ 6 એસપીની બદલી કરવામાં આવી છે. વર્ષ 2023 તથા 2024 બેચના 4 આઈપીએસ અધિકારીઓને નિમણૂંક અપાઇ છે જ્યારે રાજ્યના છ એસપીએસ ની બદલી કરવામાં આવી છે.

ગુજરાત સરકારના ગૃહ વિભાગ દ્વારા રાજ્યમાં કાયદો અને વ્યવસ્થાની સ્થિતિના ભાગરૂપે 10 પોલીસ અધિકારીઓની બદલી તેમજ નવી નિમણૂકના આદેશો જાહેર કરવામાં આવ્યા છે.

આ આદેશમાં 2023 અને 2024 ની બેચના 4 યુવા આઇપીએસ અધિકારીઓને સ્વતંત્ર આસિસ્ટન્ટ પોલીસ સુપ્રિન્ટેન્ડન્ટ (ASP) તરીકે નિમણૂક આપવામાં આવી છે. જેમાં માનસી આર. મીનાને અમદાવાદના વિરમગામ, મૌસમ મહેતાને વાવ-થરાદના દિયોદર, પ્રખર કુમારને દેવભૂમિ દ્વારકાના ખંભાળિયા ખાતે અને કરણકુમાર પન્નાને દાહોદના લીમખેડા ખાતે એએસપી તરીકે પદભાર સોંપવામાં આવ્યો છે.

તેમજ બઢતી મળ્યા બાદ જેમના પોસ્ટિંગ બાકી હતા તેવા 6 સિનિયર એસપીએસ અધિકારીઓને સ્ટેટ રિઝર્વ પોલીસ ફોર્સ (SRPF) ના વિવિધ ગ્રુપમાં કમાન્ડન્ટ અને એક્સ-કેડર જગ્યાઓ પર નવી નિમણૂકો આપવામાં આવી છે. ગૃહ વિભાગના મુખ્ય સચિવ સંજીવ કુમારની સહીથી રાજ્યપાલના નામે આ જાહેરનામું બહાર પાડવામાં આવ્યું છે.

આ પણ વાંચોઃ ગાંધીનગર / ગાંધીનગરમાં ફૂડ સેફ્ટી વિભાગની કાર્યવાહી: રાયસણના Blinkit સ્ટોરનું લાઇસન્સ સસ્પેન્ડ

10 આઇપીએસ અને એસપીએસ અધિકારીઓની બદલી

વડોદરા ટ્રાફિક ડીસીપી જે.આઈ. વસાવને એસઆરપીએફ ગ્રુપ 9 (વડોદરા), વિસનગર ડી.એમ. ચૌહાણને એસઆરપીએફ ગ્રુપ 3 (મડાણા, બનાસકાંઠા), પ્રકાશકુમાર રાવલને એસઆરપીએફ ગ્રુપ 4 (પાવડી, દાહોદ), ગોધરા હેડ ક્વાર્ટર એસપી બી.એલ. દેસાઈને એસઆરપીએફ ગ્રુપ 5 (ગોધરા), જૂનાગઢ પીટીસી એસપી એચ.પી. દોશીને એસઆરપીએફ ગ્રુપ 13 (રાજકોટ) અને સુરત એફ ડિવિઝન ડીસીપી એલ.બી. ઝાલાને એસઆરપીએફ ગ્રુપ 11 ના કમાન્ડન્ટ તરીકે નિયુક્ત કરાયા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ