Health Tips / Green Teaમાં મિક્સ કરો આ 4 વસ્તુઓ, કેન્સર જેવી જીવલેણ બીમારીઓનો ખતરો થશે દૂર

• ગ્રીન ટી પીવી સ્વાસ્થ્ય માટે ફાયદાકારક 
• તેમાં મિક્સ કરો આ 4 વસ્તુઓ 
• આ જીવલેણ બીમારીઓનો દૂર થશે ખતરો  

એમાં કોઈ શંકા નથી કે દૂધ, ખાંડ અને ચાની ભૂકીથી બનેલી ચા કરતાં ગ્રીન ટી પીવી સ્વાસ્થ્ય માટે વધુ ફાયદાકારક છે. મોટાભાગના સ્વાસ્થ્ય નિષ્ણાંતો વજન ઘટાડવા અને ઘણી સમસ્યાઓ દૂર કરવા માટે આ હર્બલ ટી પીવાની સલાહ આપે છે. 

પરંતુ શું તમે જાણો છો કે જો ગ્રીન ટીમાં કેટલીક ખાસ વસ્તુઓ મિક્સ કરવામાં આવે તો તેના ગુણો ખૂબ વધી જાય છે. આજે અમે એવી 4 વસ્તુઓનો ઉલ્લેખ કરી રહ્યા છીએ જેને ગ્રીન ટીમાં મિક્ષ કરીને પીવાથી સ્વાસ્થ્ય માટે ફાયદાકારક બની શકે છે.

ફુદીનાના પાન અને તજ
કેટલાક લોકો ગ્રીન ટીમાં ફુદીનાના પાન અને તજ ઉમેરે છે. તેનાથી શરીરની રોગપ્રતિકારક શક્તિ વધે છે અને પાચનક્રિયા પણ સુધરે છે. તેનું સેવન કર્યા પછી લાંબા સમય સુધી ભૂખ લાગતી નથી. તેથી વજન પણ ઘટવા લાગે છે.

આદુ
આદુ એક એવો મસાલો છે, જેનો ઉપયોગ ખાવાનો સ્વાદ વધારે છે પરંતુ શું તમે જાણો છો કે જો તેને ગ્રીન ટીમાં મિક્સ કરીને પીવામાં આવે તો સ્વાસ્થ્યને અનેક રીતે ફાયદો થાય છે. તેની મદદથી ન માત્ર રોગપ્રતિકારક શક્તિ વધે છે પરંતુ તે કેન્સર જેવી ખતરનાક અને જીવલેણ બીમારીઓ સામે પણ રક્ષણ આપે છે.

લીંબુ
લીંબુ જ્યારે ગ્રીન ટી સાથે મિક્ષ કરવામાં આવે છે. ત્યારે તેનો કડવો સ્વાદ ઓછો થાય છે અને એન્ટીઑકિસડન્ટોને વધારવામાં મદદ કરે છે જે આપણા શરીરને ફાયદો કરે છે. જો તમને વધુ અસર જોઈતી હોય તો લીંબુનો રસ એડ કરો.

સ્ટીવિયાના પાંદડા
સ્ટીવિયા એક સુરક્ષિત સ્વીટનર છે અને કોઈપણ નુકસાન પહોંચાડ્યા વિના ગ્રીન ટીમાં મીઠાશ ઉમેરી શકે છે. જો તમે તેનું નિયમિત સેવન કરશો તો માત્ર કેલરી જ નહીં પરંતુ બ્લડ શુગર લેવલ પણ ઘટશે. ઘણીવાર ડાયાબિટીસના દર્દીઓને આ રીતે ગ્રીન ટી પીવાની સલાહ આપવામાં આવે છે.