ગદર 2 / અમીષા પટેલ તો મોટા ઘરની છોકરી છે, એટ્ટિટ્યુડના કારણે થઈ હતી તું તું મેં મેં: ડાયરેક્ટરનો મોટો ખુલાસો

• ફિલ્મ ‘ગદર 2’એ બોક્સ ઓફિસ પર ધૂમ મચાવી
• ફિલ્મની સફળતાથી ડાયરેક્ટર અનિલ શર્મા ખૂબ જ ખુશ
• ડાયરેક્ટરે અમીષા પટેલના એટ્ટીટ્યુડ વિશે પણ જણાવ્યું

સની દેઓલ અને અમીષા પટેલની ફિલ્મ ‘ગદર 2’એ બોક્સ ઓફિસ પર ધૂમ મચાવી છે. ફિલ્મની સફળતાથી ડાયરેક્ટર અનિલ શર્મા ખૂબ જ ખુશ છે. મીડિયા રિપોર્ટ અનુસાર અનિલ શર્માએ એક ઈન્ટરવ્યૂમાં ફિલ્મ બાબતે અનેક વાતો શેર કરી છે. તેમણે અમીષા પટેલના એટ્ટીટ્યુડ વિશે પણ જણાવ્યું છે. 

અમીષા પટેલ બાબતે ડાયરેક્ટરનું નિવેદન
ફિલ્મ ‘ગદર 2’ના ડાયરેક્ટર અનિલ શર્માએ અમીષા પટેલ સાથે રિલેશન બાબતે જણાવ્યું છે કે, ‘મારો સંબંધ ક્યારેય કોઈ સાથે ખરાબ થતો નથી. થોડી તું તું મેં મેં થઈ હતી, પરંતુ તે સરખું થઈ ગયું. અમીષાજીનો નેચર આવો જ છે. ગદર દરમિયાન પણ આવું જ થયું હતું. તે મોટા ઘરની દીકરી છે. તેમના મિજાજ થોડા અલગ છે, પરંતુ દિલથી ખૂબ જ સારા છે. મોટા ઘરની દીકરી ક્યારેક ક્યારે અલગ અલગ અંદાજમાં આવી જાય છે. આપણે નાના ઘરના માણસ છીએ. અમે પ્રેમથી રહીએ છીએ. અમીષાજી પણ પ્રેમથી રહે છે, પરંતુ થોડો એટ્ટિટ્યુડ છે, એક અદા છે, ક્યારેક ટેઢા મેઢા થઈ જાય છે, પરંતુ માણસ સારા છે.’

Dekhiye aapki film hai aur aap hi isse pratidin ek nayi unchaai de rahe hai .. aapse Issi pyar ki ummed thi .. aaj Raksha Bandhan hai ummed hai aaj pure parivaar ke sath aapka pyar aasman ki unchaaiyon ko chuyega 🙏 #Gadar2 pic.twitter.com/N8FxYfCRIJ

— Anil Sharma (@Anilsharma_dir) August 30, 2023

ગદર માટે અમીષા પટેલની પસંદગી
આ ફિલ્મના ડાયરેક્ટર જણાવે છે કે, ‘ગદર દરમિયાન અમીષા પટેલ સારી અભિનેત્રી નહોતી, પરંતુ સકીનાના રોલમાં ફિટ થતી હતી, તેથી તેમની પસંદગી કરવામાં આવી. અમે તેમને સકીનાના રોલ માટે તૈયાર કર્યા અને પડદા પર તેમણે શાનદાર ભૂમિકા ભજવી.’ તમને જણાવી દઈએ કે, ફિલ્મ ‘ગદર 2’ વર્ષ 2001માં આવેલ ફિલ્મ ‘ગદર એક પ્રેમ કથા’ની સીક્વલ છે.