ઠગાઇ / પરદેશમાં નોકરીના અભરખા જોજો મોંઘા ન પડે! અમદાવાદના પરીવાર સાથે જે બન્યું તે જાણી ચોંકી જશો

• અમેરિકામાં નોકરી આપવાની લાલચ આપી ઠગાઇ
• 6.99 લાખ રૂપિયા લઇને થઇ ગયો ફરાર
• ઇસનપુરમાં નોંધાઇ પોલીસ ફરિયાદ 

આજકાલ લોકો વિદેશ જવા માટે એટલા ઘેલા થયા છે કે અજાણી વ્યક્તિ પર પણ આંધળો વિશ્વાસ કરતા ખચકાતા નથી. વિદેશ જવાની લ્હાયમાં કરોડો રૂપિયાનું દેવુ કરી નાંખી પણ વિદેશ જઇને જ ઝંપે. આવા લોકોની સંખ્યા  હાલમાં વધી રહી છે. લોકો એવા અધીરા બને છે વિદેશ જવા કે તેઓની આ બાબતનો ફાયદો ઉઠાવવા લંપટો બેઠા જ છે. ત્યારે વધુ એકવાર વિદેશમાં નોકરી અપાવવાના નામે  ઠગાઇ થઇ હોવાનું સામે આવ્યું છે. 

USમાં નોકરીની લાલચ આપી લાખોની ઠગાઇ

અમદાવાદના ઇસનપુરની ઘટના છે. અહીં વિઝા કન્સલ્ટીંગનું કામ કરતા એક વ્યક્તિ સાથે ગઠીયો 6.99 લાખની છેતરપિંડી આચરીને ફરાર થઇ ગયો. ઇસનપુર પોલીસ સ્ટેશનમાં ફરિયાદ નોંધાઇ છે કે અમેરિકામાં નોકરી આપવાના નામે એક વ્યક્તિ 6.99 લાખ રૂપિયા લઇને ફરાર થઇ ગયો.જો કે આવી ઘટના પહેલી વાર નથી બને. અનેકવાર આવા કિસ્સાઓ સામે આવે છે. વિઝા આપવવાના બહાને લૂંટેરાઓ લાખો ખંખેરીને ફરાર થઇ જાય છે. તેમ છતાં હજી લોકો વિદેશનું નામ પડે એટલે આંખ બંધ કરીને મોં માંગી કિંમત આપવા તૈયાર થઇ જાય છે. જો કે હાલમાં ઇસનપુર પોલીસે ફરિયાદને પગલે આરોપીને શોધવા તપાસના ચક્રો તેજ કર્યા છે. પ

અમેરિકા જવાની લાલચ આપી ગોંધી રાખ્યો

હમણા થોડા સમય પહેલા જ મહેસાણામાં વિદેશ જવાની લાલચને ગોંધી રખાયો હોવાની ઘટના બની હતી.  4 એજન્ટ સામે 1.12 કરોડ રૂપિયાની ઠગાઇ કરાઇ હોવાની ફરિયાદ નોંધાઇ હતી. અમેરિકા જવાની લાલચ આપીને શખ્સને કોલકત્તામાં ગોંધી રાખ્યો હતો. આ મામલે મહેસાણા કોર્ટે બંને આરોપી એજન્ટના  આગોતરા જામીન અરજી પણ ફગાવી દીધા હતા.