શોકાતૂર / ગુજરાત ભાજપને મોટી ખોટ પડી, કચ્છના પીઢ અગ્રણી તથા પૂર્વ રાજ્યમંત્રી તારાચંદ છેડાનું 70 વર્ષની વયે નિધન

• પૂર્વ રાજયમંત્રી તારાચંદ છેડાનું નિધન
• લાંબી બિમારીમાં તારાચંદ છેડાનું નિધન થયુ
• ક્ચ્છ ભાજપમાં મહત્વનું સ્થાન ધરાવતા હતા તારાચંદ

રાજ્યના પૂર્વ મંત્રી તારચંદ છેડાનું લાંબી બિમારી સામે ઝઝૂમ્યા બાદ આજે તેઓનું નિધન થયું છે. 70 વર્ષની ઉંમરે તારાચંદ છેડાએ અંતિમ શ્વાસ લીધા છે.  શુક્રવારના રોજ સિમ્સ હોસ્પિટલમાંથી તેમને ભૂજ તેઓના નિવાસ સ્થાને ખસેડવામાં આવ્યા હતા. તારાચંદભાઈ જૈન સમાજના રત્ન તરીકે ઓળખાય છે સાથે જ તેઓ ક્ચ્છ ભાજપમાં મહત્વનું સ્થાન ધરાવતા હતા.ગુજરાત ભાજપને તારાચંદના નિધનથી મોટી ખોટ પડી છે. 

અન્નજળનો સંપૂર્ણ ત્યાગ કરી મોક્ષ માર્ગે જવા અનશન લીધું હતું
તારાચંદ છેડાના નિધનના સમાચાર મળતા જ તેઓના દર્શન માટે મોટી સંખ્યામાં લોકો તેમના ઘરે પહોંચ્યા હતા. મૂળ માંડવી તાલુકાના કાંડગરા ગામના અને હાલ ભુજના ભાનુશાલી નગર ખાતેના નિવાસ્થાન રહેતા હતા. કચ્છ વિસ્તાર હાલ શોક મગ્ન છે.  એક માસ પૂર્વે તબિયત નાદુરસ્ત થતાં અમદાવાદ ખાતે ચાલી રહેલી સારવાર બાદ તેમણે જૈન ધર્મ અનુસાર અનશન વ્રતની ઈચ્છા પ્રગટ કરી હતી. અન્નજળનો સંપૂર્ણ ત્યાગ કરી મોક્ષ માર્ગે જવા અનશન વ્રત લીધું હતું. 

રાજકિય કારકિર્દી
પૂર્વ રાજયમંત્રી તારાચંદ છેડાની રાજકિય કારકિર્દી પર નજર કરીએ તો  અબડાસા અને માંડવી બેઠક પરથી બે વખત ધારાસભ્ય પદે ચૂંટાયા હતા અને રાજ્યમંત્રી પણ બન્યા હતા.તેઓ રાજકારણમાં સક્રિય હોવા છતાં સામાજિક શ્રેઠી તરીકે પણ ઓળખ ધરાવતા હતા. આજે તારાચંદ છેડાનું નિધન થતાં જૈન સમાજે એક રત્ન ખોયું છે.

પૂર્વ સીએમ વિજય રૂપાણીએ શોક વ્યક્ત કર્યો
ગુજરાત પ્રદેશ ભાજપના વરિષ્ઠ નેતા, ગુજરાત સરકારના પૂર્વ મંત્રી શ્રી તારાચંદભાઇ છેડાના દુઃખદ અવસાન થયાના સમાચાર સાંભળી શોકમગ્ન છું. તેઓનું જાહેર જીવન, સામાજિક સેવા અને રાજકીય ક્ષેત્રમાં આપેલું યોગદાન ચિરંજીવ રહેશે. 

આરોગ્યમંત્રી ઋષિકેશ પટેલ વ્યક્ત કર્યો શોક
કચ્છ ભાજપાના અગ્રણી નેતા શ્રી તારાચંદ છેડા જી નાં દુઃખદ અવસાન થી શોક ની લાગણી અનુભવું છું. ઈશ્વર તેમની દિવ્ય આત્માને શાંતિ અર્પે એવી પ્રાર્થના.ૐ શાંતિ

મંત્રી પ્રદીપ પરમારે કર્યું ટ્વીટ
માજી રાજ્યમંત્રી અને માંડવી-મુન્દ્રાના પૂર્વ ધારાસભ્ય શ્રી તારાચંદ છેડા જી ના દુઃખદ અવસાનના સમાચારથી શોકની લાગણી અનુભવું છું.ઈશ્વર તેમના દિવ્ય આત્માને શાંતિ આપે અને તેમના પરિવારજનો તથા શુભેચ્છકોને આ દુઃખ સહન કરવાની શક્તિ આપે તેવી પ્રાર્થના કરું છું.