રાજનીતિ / ગૌતમ ગંભીર બાદ ભાજપના વધુ એક દિગ્ગજ નેતાએ કર્યું સંન્યાસનું એલાન, નહીં લડે ચૂંટણી

લોકસભા ચૂંટણી પહેલા પૂર્વ કેન્દ્રીય મંત્રી અને ભાજપના હજારીબાગના સાંસદ જયંત સિંહાએ રાજનીતિમાંથી સંન્યાસનું એલાન કર્યું છે. જયંત સિંહાએ ભાજપ અધ્યક્ષ જેપી નડ્ડાને પોતાને ચૂંટણીની જવાબદારીમાંથી મુક્ત કરવાની અપીલ કરી છે. 

જળવાયુ પરિવર્તનની સમસ્યાના ઉકેલ પર કામ કરવા માગે છે 
જયંત સિન્હાએ આગામી લોકસભા ચૂંટણી ન લડવાની ઇચ્છા વ્યક્ત કરી છે અને કહ્યું છે કે તેઓ ભારત અને સમગ્ર વિશ્વમાં જળવાયુ પરિવર્તનની સમસ્યાનો સામનો કરવા પર પોતાનું ધ્યાન કેન્દ્રિત કરવા માંગે છે. એક્સ પરની એક પોસ્ટમાં, સિંહાએ જણાવ્યું હતું કે તેમણે પાર્ટી અધ્યક્ષ જે પી નડ્ડાને તેમની "સીધી ચૂંટણી ફરજો" થી મુક્ત કરવા માટે "વિનંતી" કરી છે જેથી તેઓ ભારત અને સમગ્ર વિશ્વમાં આબોહવા પરિવર્તનની સમસ્યાને પહોંચી વળવા પર પોતાનું સંપૂર્ણ ધ્યાન કેન્દ્રિત કરી શકે.

BJP MP Jayant Sinha says, "I have requested Hon’ble Party President Shri JP Nadda ji to relieve me of my direct electoral duties so that I can focus my efforts on combating global climate change in Bharat and around the world." pic.twitter.com/mDlxP1mUrw

— ANI (@ANI) March 2, 2024

જળવાયુ પરિવર્તન પર ધ્યાન કેન્દ્રિત કરવું પડશે: જયંત સિન્હા
"અલબત્ત, હું આર્થિક અને શાસનના મુદ્દાઓ પર પાર્ટી સાથે કામ કરવાનું ચાલુ રાખીશ. તેમણે કહ્યું હતું કે, "મને છેલ્લાં 10 વર્ષથી હઝારીબાગનાં લોકોની અને ભારતની સેવા કરવાનું સૌભાગ્ય મળ્યું છે. આ ઉપરાંત માનનીય વડાપ્રધાન નરેન્દ્ર મોદી, માનનીય ગૃહમંત્રી અમિત શાહ અને ભાજપના નેતૃત્વ દ્વારા મને ઘણી તકો આપવામાં આવી હતી. સૌનો હૃદયપૂર્વક આભાર. જય હિન્દ.

ગૌતમ ગંભીરે પણ કર્યું લોકસભા ચૂંટણી ન લડવાનું એલાન 
ઉલ્લેખનીય છે આજે ભાજપના બે નેતાઓએ ચૂંટણી ન લડવાનું એલાન કર્યું છે જેમા પહેલા ગૌતમ ગંભીર અને બીજા જયંત સિંહા છે. ગૌતમ ગંભીરે પણ ટ્વિટ કરીને કહ્યું હતું કે 
તેઓ રાજનીતિમાંથી સંન્યાસ લેવા માંગે છે. આ માટે તેમણે ભાજપના રાષ્ટ્રીય અધ્યક્ષ જેપી નડ્ડાને વિનંતી કરી છે.

🔳 Political Breaking:

📢 Sitting MP from HAZARIBAGH Parliamentary Constituency Mr Jayant Sinha resigns from BJP.

▫️He is the son of Former FM Yashwant Sinha.

▫️BIG set back to #BJP in Jharkhand .#LokSabhaElections2024#Jharkhand pic.twitter.com/3HZtw7aWlv

— Saibpal Pandit (@PanditSaibpal) March 2, 2024

STORY | Jayant Sinha expresses desire not to contest Lok Sabha polls

READ: https://t.co/Y73PQrFtfg pic.twitter.com/T8h85l1PW3

— Press Trust of India (@PTI_News) March 2, 2024

કોણ છે જયંત સિન્હા
જયંત સિન્હા ટીએમસી નેતા યશવંત સિન્હાના પુત્ર છે. જયંતે 2014માં પહેલીવાર લોકસભા ચૂંટણી લડી હતી અને જીત મેળવી હતી. જયંત પીએમ મોદીના પહેલા કાર્યકાળમાં મંત્રી હતા અને 2016થી 2019 વચ્ચે ઉડ્ડયન રાજ્યમંત્રી હતા. આ ઉપરાંત તેઓ 2014થી 2016 વચ્ચે નાણા રાજ્યમંત્રી પણ રહી ચૂક્યા છે. જયંત સિન્હાને 2019માં ફરી એકવાર હજારીબાગ સીટ પરથી ટિકિટ આપવામાં આવી હતી અને તેઓ પણ પાર્ટીની આશાઓ પર ખરા ઉતર્યા હતા. તેઓ ફરી એકવાર જીત્યા પરંતુ પીએમ મોદીના બીજા કાર્યકાળમાં તેમને કોઈ મંત્રાલય નહોતું આપવામાં આવ્યું.