કાર્યવાહી / MS ધોનીના પૂર્વ બોલર વિરૂદ્ધ FIR: લાગ્યો યુવકને જીવન ટૂંકાવવા મજબૂર કર્યાનો આક્ષેપ, જાણો વિગત

• હરિયાણામાં આત્મહત્યાના મામલે પૂર્વ ક્રિકેટર સામે FIR  
• પૂર્વ ક્રિકેટર અને DSP જોગીન્દર શર્મા વિરુદ્ધ નોંધાઈ FIR  
• યુવકને આત્મહત્યા કરવા માટે ઉશ્કેરવાનો આરોપ

DSP Joginder Sharma FIR : હરિયાણામાં આત્મહત્યાના મામલાને લઈને પૂર્વ ક્રિકેટર અને DSP જોગીન્દર શર્મા વિરુદ્ધ FIR નોંધવામાં આવી છે. તેના પર યુવકને આત્મહત્યા કરવા માટે ઉશ્કેરવાનો આરોપ છે. પરિવારજનોએ ફરિયાદમાં જણાવ્યું હતું કે, આરોપી DSP મૃતક પર ઘર ખાલી કરવા દબાણ કરતો હતો. તેમણે DSPની ધરપકડની માંગ કરી છે. જોગીન્દર શર્મા ઉપરાંત FIR પાંચ અન્ય લોકોના નામ પણ સામેલ છે.

એક અહેવાલ મુજબ મામલો હિસારના દબડા ગામનો છે. 1 જાન્યુઆરીએ અહીં રહેતા એક યુવકે મિલકતના વિવાદના દબાણમાં કથિત રીતે આત્મહત્યા કરી લીધી હતી. મૃતકની ઓળખ 27 વર્ષીય પવન તરીકે થઈ છે. સુનીતાની ફરિયાદના આધારે 2 જાન્યુઆરીની રાત્રે છ આરોપીઓ વિરુદ્ધ IPCની કલમ 306 (આત્મહત્યા માટે ઉશ્કેરવું) હેઠળ કેસ નોંધવામાં આવ્યો હતો. જોગીન્દર સિંહ ઉપરાંત આરોપીઓમાં અજયબીર, ઈશ્વર ઝાઝરિયા, પ્રેમ ખાટી, અર્જુન અને હોકી કોચ રાજેન્દ્ર સિહાગનો સમાવેશ થાય છે.

વિગતો મુજબ આ મામલો 2020ના અન્ય કેસ સાથે સંબંધિત છે. પવનની માતા સુનીતાએ જણાવ્યું કે, ઓક્ટોબર 2020માં તેણે આઝાદ નગર પોલીસ સ્ટેશનમાં પાંચ આરોપીઓ (જોગીન્દર શર્મા સિવાય) વિરુદ્ધ કેસ દાખલ કર્યો હતો. આરોપ છે કે, એક મહિના પછી આરોપીએ તેને ધમકાવવાનો પ્રયાસ કર્યો. ત્યારબાદ પવનની બહેને કથિત રીતે આત્મહત્યાનો પ્રયાસ કર્યો હતો. આરોપ છે કે, પોલીસે તે કેસમાં FIR નોંધી નથી. ત્યારબાદ જોગીન્દર શર્માને DSPના પદ પર તૈનાત હતા.

વાંચો વધુ: 5 કરોડ કેશ, વિદેશી હથિયાર..., હરિયાણામાં INLD નેતા દિલબાગ સિંહના ઘરેથી મળ્યાં એટલાં રૂપિયા કે અધિકારી નોટો ગણતા-ગણતા થાકી ગયા

આ તરફ આરોપીઓ પવન અને તેના પરિવારને ઘણા વર્ષોથી હેરાન કરતા હતા. પવનની માતા સુનીતાએ આરોપ લગાવ્યો કે, થોડા દિવસો પહેલા અજયબીર અને તેનો પુત્ર અર્જુન આવ્યા અને તેના પુત્ર પવનને ઘર ખાલી કરવા કહ્યું, ત્યારબાદ દબાણમાં આવીને તેણે આત્મહત્યા કરી લીધી હતી. નોંધનિય છે કે, હરિયાણાના રોહતકથી આવેલા જોગીન્દર શર્માએ ભારત માટે માત્ર 4 ODI અને 4 T20 મેચ રમી છે. તેણે પોતાની કારકિર્દીની તમામ T20 મેચો માત્ર વર્લ્ડ કપમાં જ રમી અને ઈતિહાસ રચાઈ ગયો. તેણે 2004માં ભારત માટે ODI ડેબ્યૂ કર્યું હતું અને તેની છેલ્લી ODI મેચ 2007માં રમી હતી.અહી એ પણ મહત્વનું છે કે, જોગીન્દ્ર શર્માને ધોનીનો વિશ્વાસુ માનવામાં આવે છે અને ધોનીએ તેમના પર વિશ્વાસ મૂકી છેલ્લી ઓવર આપી હતી.