નિર્માતા રવિંદર ચંદ્રશેખરન અને એક્ટ્રેસ મહાલક્ષ્મી આજકાલ પોતાની નવી મેરીડ લાઇફ માણી રહ્યાં છે. આ જોડું સોશિયલ મીડિયા પર ખૂબ એક્ટિવ રહે છે અને લગ્ન બાદ તો આ કપલ દરરોજ પૉસ્ટ શૅર કરે છે. હાલમાં જ આ કપલ તીર્થસ્થળ પહોંચ્યું અને ત્યાંની તસવીરો શૅર કરી.
વિદેશમાં હનીમૂન ટ્રીપ કર્યા પછી રવિંદર ચંદ્રશેખરન અને મહાલક્ષ્મી તેંડુલકર તમિલનાડુમાં આવેલ તિરૂચેંદુરના મંદિર પહોંચ્યા. તીર્થસ્થળ પર મહાલક્ષ્મીએ ગોલ્ડન બોર્ડરવાળી ગ્રીન કલરની સાડી પહેરી હતી જ્યારે રવિંદર ટ્રેડિશનલ ધોતીમાં જોવા મળ્યાં હતાં.
લોકોનો પ્રતિભાવ
આ કપલના ફોટો જોઇને અમુક લોકો તેમનો મજાક ઊડાવી રહ્યાં છે તો કેટલાક લોકો તેમને બેસ્ટ જોડીનું ટેગ આપી રહ્યાં છે. એક યુઝરે તો આ જોડાંને ટોલીવુડનાં સૌથી પ્રિય દંપતી કહ્યાં છે. તો કેટલાક લોકો તેમને સાથે જોઇને એક સાચી પ્રેમકહાણી કહી રહ્યાં છે.
ગતદિવસોમાં મહાલક્ષ્મીએ તેના પતિને ટ્રોલ કરવાવાળાંને લાઇવ પર આવી અને તેના પતિનું અપમાન ન કરવાં અપીલ કરી હતી. તેણે કહ્યું કે," તમે એટલા માટે ટ્રોલ કરી રહ્યાં છો કારણ કે મારા પતિનું વજન વધુ છે. " આવી કમેન્ટ્સથી તેમને ખુબ દુ:ખ લાગે છે અને મહાલક્ષ્મીએ તેમને એકલા છોડી દેવા વિનંતી પણ કરી. અભિનેત્રીના આ રિએક્શન બાદ લોકો તેમને શુભેચ્છા પાઠવી રહ્યાં છે.