આશ્વસ્ત / 'કેનેડામાં હાલ કોઈ ભયનો માહોલ નથી, ત્યાં બધુ બરાબર, રાજકીય ખેલ છે', પરિવારોએ VTV સાથે કરી ખાસ વાત

• અમદાવાદથી કેનેડા ગયેલા વિદ્યાર્થીના પરિવાર સાથે VTV NEWSની વાતચીત 
• મિતેશ સવાણી કેનેડાના બ્રેમ્પટનમાં કરે છે અભ્યાસ 
• પ્રતિક પંચાલ હેલિફેક્સ સિટીમાં અભ્યાસ અને જોબ કરે છે: પરિવાર
• કેનેડામાં હાલ કોઈ ભયનો માહોલ નથી: પરિવાર

ભારત-કેનેડા વિવાદ વચ્ચે કેનેડામાં રહેતા વિદ્યાર્થીઓનાં પરિવારજનો સાથે vtv દ્વારા વાતચીત કરી હતી. ત્યારે અમદાવાદમાં રહેતા પંચાલ પરિવાર સાથે વાતચીત કરી હતી. ગુજરાતનો યુવક પ્રતિક પંચાલ હેલિફેક્સ શહેરમાં રહીને હેલ્થ કેર મેનેજમેન્ટમાં અભ્યાસ કરી રહ્યો છે. અમદાવાદમાં રહેતા પરિવારો પોતાના બાળકોની સુરક્ષાને લઈ ચિંતીત છે. ભારત-કેનેડાનાં ડિપ્લોમેટિક વિવાદની અસર કેનેડામાં ગ્રાઉન્ડ લેવલ પર કોઈ અસર નથી. તેમજ તમામ લોકો રૂટીન લાઈફ જીવી રહ્યા છે.  

દિવસમાં 2 વખત વીડિયોકોલથી વાત કરીએ છીએ: પરિવાર
આ બાબતે પ્રતિક પંચાલનાં પરિવારજનોએ જણાવ્યું હતું કે,  મારો પુત્ર હાલ કેનેડા છે. તેની જોડે મોબાઈલ પર વાતચીત કરતા પ્રતિકે જણાવ્યું હતું કે અહીંયા કોઈ એવું વાતાવરણ નથી. બધુ સરસ  છે. તેમજ નોકરી પણ જાય છે.  પરિવારજનો સાથે રેગ્યુલર તેનો કોન્ટેક થાય છે. કોઈ પણ તકલીફ નથી ત્યાં. મારો પુત્ર હેલીફેક્સમાં છે. તેમજ છેલ્લા દસેક મહિનાથી તે કેનેડા છે. હાલ તેની જોબ પણ ચાલુ જ છે. તેમજ હેલ્થકેર મેનેજમેન્ટમાં અભ્યાસ કરે છે. 
 

કેનેડામાં અભ્યાસ કરતા મિતેશના પરિવાર સાથે VTV NEWSએ કરી વાત 
કેનેડા-ભારત વચ્ચે રાજદ્વારા સબંધો વણસ્યા છે. જેને લઈ કેનેડામાં ગુજરાતનાં અનેક વિદ્યાર્થીઓ અભ્યાસ કરે છે. અમદાવાદથી કેનેડા ગયેલા વિદ્યાર્થીનાં પરિવાર સાથે vtv news દ્વારા વાતચીત કરી હતી. કેનેડામાં અભ્સાય કરતા મિતેશનાં પરિવાર સાથે VTV news એ વાત કરી હતી. ત્યારે મિતેશ સવાણી કેનેડાનાં બ્રેમ્પટનમાં અભ્યાસ કરે છે. મિતેશ સવાણીનાં પત્નિ પણ 6 મહિનાથી કેનેડા ગયા છે. 

મિતેશ સવાણી કેનેડાના બ્રેમ્પટનમાં કરે છે અભ્યાસ 
આ બાબતે મિતેશ સવાણીનાં પિતાએ જણાવ્યું હતું કે, મિતેશ સાથે વાતચીત કરતા તેણે કહેલ કે તમે ચિંતા કરશો નહી. અહીંયા એવું કશું જ વાતાવરણ જોવા મળતું નથી. છતાં જો એવું હશે તો અમે અમારી રીતે એડજેસ્ટ કરી લઈશું. એની સાથે આપણા ગુજરાતનાં પણ ઘણા છોકરાઓ અભ્સાય કરવા ગયેલા છે. જેઓ એકબીજાનાં સંપર્કમાં છે.