ખુશખબર / કોરોનાની રસીની સાથે દવા પણ મળી શકે છે, અમદાવાદની આ કંપનીને મળી પરવાનગી

• 25 હોસ્પિટલોમાં ભરતી 250 દર્દીઓ પર પરિક્ષણ થશે
• આ દવાને ભારતીય બજારોમાં 2011માં પરવાનગી મળી હતી
•  રસી આવતા અઠવાડિયા સુધીમાં બ્રિટેનમાં ઉપલબ્ધ થઇ જશે

 25 હોસ્પિટલોમાં ભરતી 250 દર્દીઓ પર પરિક્ષણ થશે

કંપનીના એમડી ડૉ. શરવિલ પટેલે જણાવ્યું તે ડ્રગ્સ કન્ટ્રોલર જનરલ ઓફ ઈન્ડિયાને પરવાનગી મળ્યા બાદ દેશના 25 હોસ્પિટલોમાં ભરતી 250 દર્દીઓ પર પરિક્ષણ થશે. બીજા ચરણમાં જે દર્દીઓ પર એક ડોઝ આપવામાં આવ્યો હતો. તેમને 95 ટકા સંક્રમણમાંથી છુટકારો મળ્યો છે. 

આ દવાને ભારતીય બજારોમાં 2011માં પરવાનગી મળી હતી.

બાયોલોજિકલ થેરાપીને 2001માં વિશ્વ સ્વાસ્થ્ય સંગઠનને જરુરી દવાઓની યાદીમાં જોડી હતી. હેપેટાઈટિસ સીમાં ઉપયોગમાં લેવામાં આવતી આ દવાને ભારતીય બજારોમાં 2011માં પરવાનગી મળી હતી. ઝાયડસ કેડિલા કોરોનાની રસીને વિકસિત કરી રહ્યું છે. જે પરિક્ષણના બીજા ચરણમાં છે. આ ભારતની બીજા નંબરની સ્વદેશી રસી છે.

 રસી આવતા અઠવાડિયા સુધીમાં બ્રિટેનમાં ઉપલબ્ધ થઇ જશે

ઉલ્લેખનીય છે કે બ્રિટેન દુનિયાનો પ્રથમ એવો દેશ બની ગયો છે જેણે  કોરોના સામેની લડાઈમાં કોઈ રસીને મંજૂરી આપી હોય, બ્રિટિશ સરકારે ફાઇઝર અને બાયોએન્ટેકની રસીને ઇમર્જન્સી ઉપયોગ માટેની મંજૂરી આપી દીધી છે.  બ્રિટેનના ડ્રગ નિયામક મેડિસિન્સ એન્ડ હેલ્થકેર પ્રોડક્ટ્સ રેગ્યૂલેરેટરી એજેન્સી એ આ રસીને મંજૂરી આપી દીધી છે અને માહિતી પ્રમાણે આ રસી આવતા અઠવાડિયા સુધીમાં બ્રિટેનમાં ઉપલબ્ધ થઇ જશે. 

કેટલાક અઠવાડિયામાં રસી વિશે સારા સમાચાર મળશે

નોંધનીય છે કે કોરોના સંકટને લઇને શુક્રવારે પ્રધાનમંત્રી મોદીની અધ્યક્ષતામાં સર્વપક્ષીય બેઠક યોજાઇ હતી. પીએમ મોદીએ કહ્યું કે, એવી અપેક્ષા છે કે આગામી કેટલાક અઠવાડિયામાં રસી વિશે સારા સમાચાર મળશે, વૈજ્ઞાનિકોની મંજૂરી મળતા જ આ મામલે કામ શરૂ થશે. ભારત એક વિશિષ્ટ સોફ્ટવેર પર કામ કરી રહ્યું છે જે દરેકને રસી પહોંચાડવા ટ્રેક કરશે.