ચેતવણી / EPFOએ આપી ચેતવણી, આ ભૂલ ન કરી બેસતાં નહીંતર જીવનની આખી કમાણી થઈ જશે સાફ

• EPFOએ ટ્વિટર પર લોકોને આપી ચેતવણી 
• EPFO ક્યારેય તમારી પાસે નથી માંગતું તમારી પ્રાઈવેટ જાણકારી 
• ફોન પર શેર ન કરો OTP અને પાસવર્ડ જેવી જાણકારી 

છેતરપીંડી કરવાવાળા લોકો નકલી EPFO કર્મચારી બનીને ફોન કરે છે

EPFOએ પોતાના છ કરોડ ખાતાધારકોના ખાતામાં વ્યાજની રકમ નાખવાની શરુ કરી દીધું છે. આ સમયે EPFOએ ચેતાવણી પણ આપી છે. જેમાં કહેવામાં આવ્યું છે કે છેતરપીંડી કરવાવાળા લોકો નકલી EPFO કર્મચારી બનીને ફોન કરે છે. અને તમારી પ્રાઈવેટ જાણકારી માંગે છે જેમકે આધાર કાર્ડ, યુએએન નંબર,PAN નંબર, OTP અને પાસવર્ડ. આ લોકો તમારી આ જાણકારી મેળવી ખાતામાંથી તમારા રૂપિયા ઉપાડી શકે છે. સંગઠને પોતાના ખાતાધારકોને ચેતવતા કહ્યું કે કોઈએ પોતાની પ્રાઈવેટ જાણકારી કોઈને આપવી જોઈએ નહિ.

Be informed: #EPFO never asks you to share your details or deposit any amount in the bank. Don't disclose your personal information over the phone.#HumHainNa#FraudCalls pic.twitter.com/JyJ2rGP4ls

— EPFO (@socialepfo) October 16, 2019

EPFOએ ટ્વિટરના મારફતે લોકોને ચેતવતાં કહ્યું કે "EPFO તમારી પાસે ક્યારેય બેંક એકાઉન્ટ ડીપોઝીટની જાણકારી નથી માંગતું. ક્યારેય તમારી વિગત ફોન પર કોઈને ન આપશો.છેતરપીંડી કરનારા ફોનથી સાવધાન રહો" 

કઈ રીતે જાણી શકાય  સ્ટેટમેન્ટ

ઉલ્લેખનીય છે કે ખાતાધારકોની પ્રાઈવેટ જાણકારીમાં થતી છેતરપીંડીથી બચવા માટે ક્લેમ સ્ટેટમેન્ટ સ્ટેટસ ચેક કરવા માટેની યુએએન આધારિત ઇન્ક્વાયરી સિસ્ટમ સુધી માત્ર EPFOની મેમ્બર પાસબુક એપ્લીકેશનથી જ પહોંચી શકાય છે. જેમાં તમારે યુઝર આઈડી અને પાસબુકથી લોગ-ઇન કરવું પડશે. ત્યારબાદ જ તમને ક્લેમ સ્ટેટમેન્ટની જાણકારી મળશે. આપ ને જણાવી દઈએ કે યુએએન નંબરને આધાર કાર્ડ સાથે લિંક કરી દેવામાં આવેલું છે.