જાણી લો / મિડલ ક્લાસના લોકોને ફરી ઝટકો, વધી જશે EMI : આ ચાર બૅન્કો તમામ પ્રકારની લોન પર વધાર્યું વ્યાજ

• રિઝર્વ બેંકે રેપો રેટને 6.50 ટકા પર યથાવત રાખ્યો
• છતાં સામાન્ય લોકોને આ બેંકે મોટો ઝટકો આપ્યો 
• ચાર બેંકોએ હોમ લોન સહિત અન્ય લોનના વ્યાજદરમાં વધારો કર્યો

Banks Increased Interest Rates: ભારતીય રિઝર્વ બેંકે રેપો રેટને 6.50 ટકા પર યથાવત રાખ્યો છે, જેની જાહેરાત પણ તાજેતરમાં કરવામાં આવી હતી. આમ છતાં સામાન્ય લોકોને આ બેંકે મોટો ઝટકો આપ્યો છે કારણ કે કેટલીક પસંદગીની બેંકોએ લોન પરના વ્યાજદરમાં વધારો કર્યો છે. આનાથી સસ્તી લોન મેળવવા ઘર અને કાર ખરીદવા માંગતા લોકોની આશા પર પાણી ફરી વળ્યું છે. 

ચાર બેંકોએ હોમ લોન સહિત અન્ય લોનના વ્યાજદરમાં વધારો કર્યો 
હાલ ચાર મોટી બેંકોએ હોમ લોન સહિત અન્ય લોનના વ્યાજદરમાં વધારો કર્યો છે જેમાં બેંક ઓફ બરોડા (BOB), કેનેરા બેંક, બેંક ઓફ મહારાષ્ટ્ર અને કરુર વૈશ્ય બેંકનો સમાવેશ થાય છે. સાથે જ એવી માહિતી પણ સામે આવી રહી છે કે હાલમાં આ ચારની સાથે ટૂંક સમયમાં અન્ય બેંકો પણ જોડાઈ શકે છે. એકંદરે મોંઘવારીના આ યુગમાં લોકોને બેંકે વધુ એક ઝટકો આપ્યો છે. 

બેંકમાં શનિવારથી જ આ નિર્ણય લાગુ થઈ ગયો
BoB મુજબ એક વર્ષનો MCLR સુધારીને 8.70 ટકા કરવામાં આવ્યો છે તે અત્યાર સુધીમાં 8.65 ટકા છે. નવા દરો શનિવારથી એટલે કે આજથી લાગુ થઈ ગયા છે. જ્યારે કેનેરા બેંકે પણ MCLRમાં 0.05 ટકાનો વધારો કર્યો છે. તે હવે વધીને 8.70 ટકા થઈ ગયો છે. આ બેંકમાં શનિવારથી જ આ નિર્ણય લાગુ થઈ ગયો છે.

બેંક ઓફ મહારાષ્ટ્ર (BoM) એ પહેલાથી જ MCLRમાં 0.10 ટકાનો વધારો કર્યો છે. આ સાથે એક વર્ષનો MCLR 8.50 ટકાથી વધીને 8.60 ટકા થયો છે, એમ BoMના જણાવ્યા અનુસાર સુધારેલા દરોમાં આ ફેરફાર 10 ઓગસ્ટથી જ લાગુ થઈ ગયા છે.  સાથે જ ખાનગી ક્ષેત્રની કરુર વૈશ્ય બેંકે ધિરાણ દર 0.15 ટકા વધારીને 7.75 ટકા કર્યો છે. સુધારેલા દરો 14 ઓગસ્ટથી લાગુ થશે.

માસિક હપ્તો વધશે
બેંકોના આ પગલાથી હોમ લોન, પર્સનલ લોન, કાર લોન વગેરેની EMI વધશે. જે બેંક ગ્રાહકને લોન આપે છે, તો તે MCLR દર પર વ્યાજ વસૂલે છે. જો આમાં કોઈ ફેરફાર થાય છે તો વ્યાજ દર પર તેની અસર પડે છે. નોંધનીય છે કે અગાઉ HDFC, ICICI, પંજાબ નેશનલ બેંક અને બેંક ઓફ ઈન્ડિયાએ પણ MCLR વધાર્યો હતો જે 1 ઓગસ્ટથી લાગુ થયો હતો.