ભૂકંપ / પાકિસ્તાન-અફઘાનિસ્તાનમાં 5.8ની તીવ્રતાનો ભૂકંપનો આંચકો, કોઇ જાનહાનિના અહેવાલ નહીં

ભૂકંપની તીવ્રતા 5.8 અને 226 કિલોમીટર નીચે માપવામાં આવી જે વધુ નુકસાન પહોંચનારી માનવામાં આવે છે. ઉલ્લેખનીય છે કે હિન્દૂકુશ ઉત્તરી પાકિસ્તાનથી મધ્ય અફઘાનિસ્તાન સુધીના વિસ્તારમાં આવેલી એક 800 કિલોમીટર લાંબી પર્વતમાળા છે. આ પર્વતમાળા હિમાલય વિસ્તાર હેઠળ આવે છે.
 

આ વિસ્તારમાં અવારનવાર ભૂકંપના આંચકા અનુભવાય છે. પરંતુ ગુરૂવારે આવેલો ભૂકંપનો આંચકાની તીવ્રતા થોડી વધારે હોવાનું માનવામાં આવી રહી છે. આ વિસ્તારમાં ઓછી તીવ્રતાવાળા ભૂકંપના આંચકા અવારનવાર અનુભવવામાં આવે છે.
 

જો કે આ ભૂકંપના કારણે કોઇ જાનહાનિના અહેવાલ હજુ સુધી પ્રાપ્ત થયા નથી.  ભૂકંપના કારણે કોઇપણ પ્રકારના નુકસાનની કે કોઇ ઘાયલ થયાના અહેવાલ પ્રાપ્ત થયા નથી. આ અગાઉ તાઇવાનમાં 6.0ની તીવ્રતાનો ભૂકંપનો આંચકો નોંધાયો. જો કે ત્યાં પણ આ ભૂકંપના આંચકાના કારણે કોઇપણ પ્રકારના નુકસાન કે જાનહાનિના સમાચાર મળ્યાં નથી.