વ્યક્તિત્વ / રજાઓમાં આ IAS ઓફિસર ગરીબોની સારવાર કરે છે, જાણો કોણ છે?

• પહેલા જ પ્રયત્નમાં તેઓ યુપીએસસીમાં સફળ થઈ ગયાં હતા
• આઈએએસ અધિકારી પહેલા ડૉક્ટર હતા
• આકાંક્ષા રજામાં  ડૉક્ટર તરીકે સેવા આપે છે

આઈએએસ અધિકારી પહેલા ડૉક્ટર હતા

આકાંક્ષા આઈએએસ બનતાં પહેલાં ડૉક્ટર હતાં. આજે તે અધિકારી હોવાની સાથે ડૉક્ટરની ફરજ પણ પુરી કરી રહ્યાં છે. આકાંક્ષા પોતાની દરેક રજા ગરીબોની વચ્ચે વિતાવે છે. તેમની સમસ્યા સાંભળે છે અને તેનો ઈલાજ કરે છે. આકાંક્ષા ભાસ્કર એકવાર પુરુલિયાની સંતુરી ગામની હોસ્પિટલમાં ગયાં હતાં. હોસ્પિટલ કેન્દ્રની હાલત જોઈ તેઓ બહું જ દુ:ખી થયાં હતાં. સાધનોના અભાવને ધ્યાન પર લઈને તેમણે જાતે જ સ્ટેથોસ્કોપ ઉઠાવી ગરીબોની સારવાર કરવા લાગ્યાં હતાં. 

લોકો સાથે જોડાવાની આનાથી સારી તક બીજી ન હોઈ શકે

એક વેબસાઈટ સાથેની વાતચીતમાં આકાંક્ષા ભાસ્કરે જણાવ્યું હતું કે સંતુરીની હોસ્પિટલમાં પુરતા પ્રમાણમાં મેડિકલ સ્ટાફ નહોતો. તેમજ દર્દીની સંખ્યાનાં પ્રમાણમાં જરુરી સુવિધા નહોતી. જ્યારે હું હોસ્પિટલનાં રુમ તપાસી રહી હતી ત્યારે મને થયું કે  લોકો સાથે જોડાવાનો આનાથી સારો મોકો બીજો ન હોઈ શકે.

તે સમયે 40 દર્દીઓને તપાસ્યા હતા

આકાંક્ષા ભાસ્કરે તે દિવસે 40 દર્દીઓને તપાસ્યા હતાં. જરુરી દવાઓની પણ વ્યવસ્થા કરી હતી. આજ શરુઆત હતી અને હવે તેઓનો રજાનાં દિવસોની આ કાર્યક્રમ હતો. રજામાં તેઓ આ વિસ્તારની એસડીઓ નહી પણ અંતરિયાળ ગામોનાં આદિવાસીઓનાં ડૉક્ટર બની જતાં હતાં.

આકાંક્ષા કેમ ડૉક્ટર ફિલ્ડ છોડી આઈએએસ બન્યા

આકાંક્ષા ઉત્તરપ્રદેશનાં બનારસનાં છે. તેમનાં મમ્મી - પપ્પા બન્ને ડૉક્ટર છે. આકાંક્ષાએ પણ કલકત્તાની આરજી મેડિકલ કૉલેજની ડિગ્રી મેળવી છે. તેઓએ થોડોક સમય ડૉક્ટર તરીકે ફરજ બજાવી હતી. સરકારી ડૉક્ટર તરીકે તમનું પહેલું પોસ્ટિંગ એક ગામમાં થયું હતું. ગામની હાલત જોઈ તેણે પબ્લિક સર્વિસિસમાં આવવાનું નક્કી કર્યું હતું. 

પહેલા જ પ્રયત્નમાં તેઓ યુપીએસસીમાં સફળ થઈ ગયાં હતા

આકાંક્ષા કહે છે કે લોકોમાં અધિકારીઓને લઈને કોઈ જાગૃતિ નહોતી. એક ડૉક્ટર હાવાને કારણે બીમારીનો ઈલાજ કરી શકતી હતી પણ જીવનસ્તરને ઉંચુ લાવવા માટે અધિકારીઓની જરુર હતી. જે પબ્લિક સર્વિસમાં રહીને જ કરી શકાશે. 24 વર્ષની ઉંમરે આકાંક્ષા ભાસ્કર પહેલા જ પ્રયાસમાં જ સફળ થઈ ગયાં હતાં. તેઓ દેશમાં 76માં ક્રમે હતાં.

ગામમાં હેલ્થ ચેકઅપ કેમ્પનું આયોજન કર્યું

આકાંક્ષા ઘણીવાર ગામમાં હેલ્થ ચેકઅપનું આયોજન કરાવે છે. તેનો મુખ્ય હેતું મહિલાઓનાં સ્વાસ્થ્ય માટે જાગૃત કરવાનો છે. ગર્ભવતી મહિલાઓને પૌષ્ટિક આહાર આપવાનાં આગ્રહી છે. મા બનેલી મહિલાઓને તેમનાં બાળકોનાં સ્વાસ્થ્ય માટે જાગૃત રહેવાનું શીખવે છે. આ ઉપરાંત તમામ માતાઓને મેડિકલ કીટ પણ આપવામાં આવે છે. 

સારી લાઈફસ્ટાઈલમાં સ્વાસ્થ્ય એ પહેલું પગથિયું છે

પુરુલિયાની એસડીઓ આકાંક્ષા કહે છે કે મારો હેતું આ આદિવાસીઓનાં જીવનસ્તરને સારું બનાવવાનો છે. સ્વાસ્થ્ય પહેલી સીડી છે. આકાંક્ષા ભાસ્કર પોતે પણ કેમ્પોમાં સેવા આપે છે. તે જણાવે છે કે સારવાર કરવાની સાથે સાથે વિસ્તારનાં બાળકો અને યુવાનોને જાગૃત કરે છે.