કાર્યવાહી / એક જ દિવસમાં 3 જગ્યાએથી જપ્ત કરાયું રૂ. 15 લાખથી વધુનું ડ્રગ્સ, એ પણ સુરતમાં

સુરત SOG પોલીસ, સલાબતપુરા પોલીસ અને અઠવા પોલીસની સંયુક્ત કાર્યવાહી દરમિયાન શહેરની ત્રણ અલગ અલગ જગ્યાઓ પરથી ડ્રગ્સ વેચનાર ચાર આરોપીઓને ઝડપી પાડવામાં આવ્યા છે. પોલીસ દ્વારા કરાયેલી કાર્યવાહી દરમિયાન એક જ દિવસે 15 લાખ રૂપિયાથી વધુ કિંમતનું ડ્રગ્સ જપ્ત કરવામાં આવ્યું છે.

પોલીસના સૂત્રો દ્વારા મળતી માહિતી મુજબ, શહેરમાં ડ્રગ્સના ગેરકાયદે વેપારને અટકાવવા માટે સતત પેટ્રોલિંગ, ગુપ્ત માહિતી અને ટેકનિકલ સર્વેલન્સના આધારે આ કાર્યવાહી કરવામાં આવી છે. ઝડપાયેલા આરોપીઓ પાસેથી પ્રતિબંધિત નશીલા પદાર્થો ઉપરાંત મોબાઈલ ફોન અને અન્ય સામગ્રી પણ જપ્ત કરવામાં આવી છે.

વધુ વાંચો: હવે આ બે શહેરો વચ્ચે દોડશે દેશની પ્રથમ વંદે ભારત સ્લીપર ટ્રેન, મેળવો A to Z જાણકારી

સુરત પોલીસ કમિશનર દ્વારા સ્પષ્ટ કરવામાં આવ્યું છે કે નવા વર્ષમાં ડ્રગ્સ સામે ઝીરો ટોલરન્સની નીતિ અપનાવવામાં આવશે. યુવાનોને નશાના ચંગુલમાંથી બચાવવા માટે આવનારા દિવસોમાં પણ આવી જ આક્રમક કાર્યવાહી ચાલુ રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ