આનંદો / સમગ્ર દેશમાં દિવાળીની રંગેચંગે ઉજવણી શરૂ, અનેક મનમોહન અને સુંદર નજારા જોવા મળ્યાં

દેશભરમાં આજે પ્રકાશનો તહેવાર દિવાળી પરંપરાગત ઉત્સાહ અને ઉલ્લાસ સાથે ઉજવવામાં આવી હતી. આ તહેવાર ખરાબ પર સારાના વિજયનું પ્રતીક છે. આ તહેવાર ઘરો, મંદિરો અને અન્ય જાહેર સ્થળોએ રોશની કરીને ઉજવવામાં આવે છે. લોકો આ પ્રસંગે ધનની દેવી લક્ષ્મીની પણ પૂજા કરે છે. વિવિધ શહેરોમાં શેરીઓ અને બજારોને રંગબેરંગી રોશની અને ફૂલોથી શણગારવામાં આવે છે. શહેરની રાજધાનીથી માંડી તમામ શહેરોમાં લાખો લોકો દર્શન કરવા માટે ઉમટી પડે છે.

સ્થાનિક તંત્રનો જડબેસલાક બંદોબસ્ત

આ તહેવારને ધ્યાનમાં રાખીને સમગ્ર દેશમાં ઉજવણી થાય છે જેને ધ્યાને રાખીને સ્થાનિક તંત્ર દ્વારા સંબંધિત આયોજનો પણ કરવામાં આવે છે. તમામ નાગરિકો માટે સલામત અને સુરક્ષિત તહેવાર સુનિશ્ચિત કરવા માટે, મુખ્ય બજારો, ભીડવાળા જાહેર સ્થળો અને વાણિજ્યિક કેન્દ્રો પર ખાસ સુરક્ષા પગલાં લેવામાં આવ્યા છે. આ ઉપરાંત મંદિરોમાં પણ ભારે ભીડ થતી હોય છે. પોલીસ દ્વારા વ્યસ્ત બજારો અને અન્ય સ્થળોએ નિયમિત ધોરણે ચેકિંગ અને કોઇ બિનજરૂરી ઘટના ન ઘટે તે માટે પુરતો બંદોબસ્ત ગોઠવવામાં આવ્યો હતો.

સમગ્ર દેશમાં દિવાળીની ઉજવણી

જો કે સમગ્ર દેશમાં ખુબ જ ઉલ્હાસ પુર્વક દિવાળીની ઉજવણી કરવામાં આવી હતી. દિલ્હીમાં પણ આ વખતે ફટાકડા ફોડવા માટેની છુટ આપવામાં આવી હોવાથી દિલ્હીમાં પણ લોકો રંગેચંગે દિવાળીની ઉજવણી કરી રહ્યા છે. જો કે ફટાકડા ફોડવાને કારણે થતા પ્રદૂષણથી પણ ભારે સમસ્યાઓ પેદા થઇ રહી છે. 108 ને પણ ઇમરજન્સીનાં અનેક કોલ મળ્યા હતા. ઇમરજન્સી સેવાઓ પણ ખડેપગે છે.

દિવાળીની ઉજવણીનાં કેટલાક રસપ્રદ વીડિયો...

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ