Health tips / ડાયાબિટીસના દર્દીઓએ આ પાંચ ફળનું બિલ્કુલ પણ સેવન ના કરવું, બ્લડ શુગર લેવલમાં થઈ શકે છે વધારો

• ફળોને આરોગ્યનો ખજાનો માનવામાં આવે છે
• અનેક બિમારીઓ સામે રક્ષણ મળે છે
• ડાયાબિટીસના દર્દીઓએ ફળોનું સેવન કરતા સમયે સાવધાન રહેવું જોઈએ

ફળોમાં અનેક પ્રકારના પોષકતત્ત્વો રહેલા હોવાથી ફળોને આરોગ્યનો ખજાનો માનવામાં આવે છે. ફળોનું સેવન કરવાથી અનેક બિમારીઓ સામે રક્ષણ મળે છે. કેટલીક બિમારીઓમાં અમુક ફળોનું સેવન કરવાથી મુશ્કેલી વધે છે. ડાયાબિટીસના દર્દીઓએ ફળોનું સેવન કરતા સમયે સાવધાન રહેવું જોઈએ, બ્લડ શુગર લેવલ વધી શકે છે. 

ડાયાબિટીસના દર્દીઓએ આ ફળોનું સેવન ના કરવું
તરબૂચ-
ગરમીમાં લોકો તરબૂચનું વધુ સેવન કરે છે, જેથી શરીરને ઠંડક પ્રદાન થાય છે. ડાયાબિટીસના દર્દીઓએ તરબૂચનું વધુ સેવન ના કરવું જોઈએ. તરબૂચમાં નેચરલ શુગર હોવાને કારણે બ્લડ શુગર લેવલ વધી શકે છે. 

કેળા-
કેળાનો ગ્લાઈસેમિક ઈન્ડેક્ષ વધુ હોય છે, જેથી ડાયાબિટીસના દર્દીઓએ કેળાનું વધુ સેવન ના કરવું જોઈએ. કેળાનું સેવન કરતા સમયે પિસ્તા, અખરોટ અને બદામ તથા અન્ય ડ્રાય ફ્રુટનુ સેવન કરવાથી બ્લડ શુગર લેવલ પર અસર થતી નથી. ટાઈપ 2 ડાયાબિટીસના દર્દીઓ દહીં અને કેળા મિશ્ર કરીને તેનું સેવન કરી શકે છે. 

કેરી-
ગરમીમાં સૌથી વધુ કેરીનું સેવન કરવામાં આવે છે. આ કારણોસર ડાયાબિટીસના દર્દીઓએ કેરીનું વધુ સેવન ના કરવું જોઈએ. કેરીનું વધુ માત્રામાં સેવન કરવાથી બ્લડ શુગર લેવલ વધી શકે છે. 

અનાનસ-
ડાયાબિટીસના દર્દીઓએ અનાનાસનું બિલ્કુલ પણ સેવન ના કરવું જોઈએ. અનાનસમાં 16 ગ્રામ નેચરલ શુગર હોય છે. 

લીચી-
ગરમીમાં સૌથી વધુ લીચીનું સેવન કરવામાં આવે છે. આ રસદાર ફળમાં 16 ગ્રામ સુધી શુગર હોય છે. જેથી ડાયાબિટીસના દર્દીઓએ લીચીનું ઓછી માત્રામાં સેવન કરવું જોઈએ. 

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)