ટેરિફ બેઅસર / ટ્રમ્પના ટેરિફની માયાજાળનો ભારતે કાઢ્યો તોડ, અમેરિકી એજન્સીએ જ ખોલી પોલ!

અમેરિકાએ ભારતીય ઉત્પાદનો પર 50 ટકા ટેરિફ લગાવ્યો છે. અમેરિકાના રાષ્ટ્રપતિ ડોનાલ્ડ ટ્રમ્પની "દબાણ નીતિ"ના ભાગ રૂપે ભારત પર 50 ટકા ટેરિફ એકપક્ષીય રીતે લાદવામાં આવ્યો હતો. પરંતુ હવે, યુએસ રેટિંગ એજન્સીએ આ દાવાને નકારી કાઢ્યો છે.

હકીકતમાં, અમેરિકન ક્રેડિટ રેટિંગ એજન્સી મૂડીઝના એક અહેવાલ મુજબ, અમેરિકા દ્વારા કેટલાક ભારતીય ઉત્પાદનો પર 50% સુધીના ટેરિફ લાદવામાં આવ્યા હોવા છતાં, ભારત તેની નિકાસ વધારવામાં સફળ રહ્યું છે. સપ્ટેમ્બરમાં ભારતની કુલ નિકાસમાં 6.75% નો વધારો થયો છે, જ્યારે અમેરિકામાં મોકલવામાં આવતા માલમાં 11.9% નો ઘટાડો થયો છે. આ સૂચવે છે કે ભારતે તેની અમેરિકા-કેન્દ્રિત વેપાર નિર્ભરતા ઘટાડી છે અને અન્ય બજારોમાં તેની પહોંચ વધારી છે. આનો અર્થ એ છે કે ભારત હવે ફક્ત અમેરિકા પર આધાર રાખશે નહીં.

વૈશ્વિક વેપાર તણાવ અને ફુગાવા જેવા પડકારો છતાં, મૂડીઝ રેટિંગ્સે ભારતના અર્થતંત્ર માટે સકારાત્મક દૃષ્ટિકોણ વ્યક્ત કર્યો છે. તેના 'ગ્લોબલ મેક્રો આઉટલુક 2026-27' રિપોર્ટમાં, એજન્સીએ અંદાજ લગાવ્યો છે કે આગામી બે વર્ષ સુધી ભારતીય અર્થતંત્ર આશરે 6.5% ના વાર્ષિક દરે વૃદ્ધિ પામશે. રિપોર્ટમાં એમ પણ કહેવામાં આવ્યું છે કે આ સમયગાળા દરમિયાન ભારત G-20 દેશોમાં સૌથી ઝડપથી વિકસતું મુખ્ય અર્થતંત્ર રહેવાની શક્યતા છે.

આ પણ વાંચોઃ શું ખરેખર 69 લાખ જેટલાં પેન્શનરોને નહીં મળે 8મું પગારપંચ? સામે આવી મોટી અપડેટ

મૂડીઝે ભારતીય અર્થતંત્ર માટે 6.5% વૃદ્ધિનો અંદાજ લગાવ્યો છે, જ્યારે 2026-27 દરમિયાન વૈશ્વિક GDP માત્ર 2.5-2.6% વધવાનો અંદાજ છે. જ્યારે ઉભરતા અર્થતંત્રો લગભગ 4% ના દરે વૃદ્ધિ પામી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ