પ્રહાર / કૌભાંડ કેસમાં કોર્ટે જામીન ન આપતા જેલમાં બંધ સિસોદિયાએ લખ્યો પત્ર, કહ્યું ભણેલો-ગણેલો PM જોઈએ

• મનીષ સિસોદિયાએ હવે જેલની અંદરથી એક પત્ર લખ્યો છે
• સાથે જ પ્રધાનમંત્રી નરેન્દ્ર મોદી પર પણ નિશાન સાધ્યું છે
• છેલ્લા કેટલાક વર્ષોમાં દેશમાં 60,000 શાળાઓ બંધ કરવામાં આવી છે

જેલમાં રહેલા દિલ્હીના પૂર્વ નાયબ મુખ્યમંત્રી મનીષ સિસોદિયાને જામીનને લઈને હાલ જ આંચકો લાગ્યો છે. જણાવી દઈએ કે દારૂ નીતિ કૌભાંડના આરોપી મનીષ સિસોદિયાએ હવે જેલની અંદરથી એક પત્ર લખ્યો છે.સિસોદિયાએ રાષ્ટ્રના નામ પર આ પત્ર લખ્યો છે,જો કે આમાં તેને પ્રધાનમંત્રી નરેન્દ્ર મોદી પર પણ નિશાન સાધ્યું છે. પત્રમાં એમને દાવો કર્યો છે કે છેલ્લા કેટલાક વર્ષોમાં દેશમાં 60,000 શાળાઓ બંધ કરવામાં આવી છે. આ પત્રમાં સિસોદિયાએ મુખ્યત્વે દેશમાં શિક્ષણને લઈને વાત કરી છે અને પત્રની ઉપર લખવામાં આવ્યું છે કે પર લખ્યું છે, 'તિહાર જેલમાંથી પ્રિય દેશવાસીઓને નામ મારો પત્ર' 

60,000 સરકારી શાળાઓ બંધ છે, કેમ?
આ પત્રમાં પીએમ મોદી પર નિશાન સાધવા સિવાય મનીષ સિસોદિયાએ દેશના યુવાનોનો ઉલ્લેખ કરતા કહ્યું છે કે આજે દેશના યુવાનોમાં વિજ્ઞાન અને ટેક્નોલોજીના ક્ષેત્રમાં કંઈક કરવાની ક્ષમતા છે. દેશભરમાં 60,000 સરકારી શાળાઓ બંધ છે, કેમ?સિસોદિયાએ લખ્યું કે દેશની વસ્તી વધી રહી છે, તેથી શાળાઓની સંખ્યા પણ વધારવી જોઈએ. 

Jailed former Delhi deputy CM Manish Sisodia writes to PM Modi, raises questions on his education.

"For the progress of India, it is necessary to have an educated PM," Sisodia writes in his letter to the PM. pic.twitter.com/yV7peRjns3

— ANI (@ANI) April 7, 2023

તપાસ એજન્સીને નોટિસ જારી કરી
જણાવી દઈએ કે આ પહેલા ગુરુવારે દિલ્હી હાઈકોર્ટે એક્સાઈઝ પોલિસી કેસમાં આમ આદમી પાર્ટી (AAP) નેતા મનીષ સિસોદિયાની જામીન અરજી પર સેન્ટ્રલ બ્યુરો ઑફ ઈન્વેસ્ટિગેશન (CBI) પાસેથી જવાબ માંગ્યો હતો.જસ્ટિસ દિનેશ કુમાર શર્માએ પૂર્વ નાયબ મુખ્યમંત્રી સિસોદિયાની અરજી પર તપાસ એજન્સીને નોટિસ જારી કરીને જવાબ દાખલ કરવાનો નિર્દેશ આપ્યો છે.

સીબીઆઈએ 26 ફેબ્રુઆરીએ સિસોદિયાની ધરપકડ કરી હતી.દિલ્હીની એક ટ્રાયલ કોર્ટે 31 માર્ચે સિસોદિયાની જામીન અરજી ફગાવી દીધી હતી અને કહ્યું હતું કે તે આ કેસમાં ગુનાહિત ષડયંત્ર પાછળનો મુખ્ય સૂત્રધાર હોવાનું જણાયું હતું અને તેણે દિલ્હી સરકારમાં પોતાને અને તેના સહયોગીઓને આશરે રૂ. 90-100 કરોડની ઉચાપત કરી હતી. કોર્ટે મનીષ સિસોદિયાની કસ્ટડી 17 એપ્રિલ સુધી લંબાવી છે. છેલ્લા કેટલાક દિવસોથી દિલ્હીના મુખ્યમંત્રી અરવિંદ કેજરીવાલ અને આમ આદમી પાર્ટીના ઘણા નેતાઓ પીએમ નરેન્દ્ર મોદી પર સતત પ્રહારો કરી રહ્યા છે.