પ્રકોપ / ચીનમાં કોરોના બાદ વધુ એક તબાહી : 12 લાખ લોકો પ્રભાવિત, 25નાં મોત, સેના તૈનાત

• ચીનમાં રેકોર્ડ બ્રેકિંગ વરસાદ ખાબક્યો
• લાખો લોકો પૂરમાં ફસાયા 
• જિનપિંગે લોકોને બચાવવા તૈયાર કરી સેના 

12 લાખથી પણ વધુ લોકો ફસાયા 
ચીનના હેનાનમાં ધોધમાર  વરસાદના લીધે લગભગ 12 લાખથી પણ વધુ લોકો પૂરમાં ફસાયા છે. સ્થાનિક અધિકારીએ જાણકારી આપી છે કે, હજારો લોકોને સુરક્ષિત બચાવી લેવામાં આવ્યા છે. જેમાંથી 7 લોકોની શોધખોળ ચાલુ છે.  ઘણી બધી જગ્યાએ બંધ તૂટવાને લીધે હેનાનની રાજધાની જેંગજૉમાં પૂર આવવાની આશંકા વધી ગઈ છે. જેંગજૉના મુખ્ય રસ્તાઓ અને ટનલ્સ સંપૂર્ણ રીતે ડૂબી ગયા છે. 

Heavy rain in #Zhengzhou, China. #floods pic.twitter.com/4Qv6R8FNZm

— Sandeep Panwar (@tweet_sandeep) July 20, 2021

વરસાદે 60 વર્ષનો રેકોર્ડ તોડ્યો 
રિપોર્ટ્સ મુજબ જેંગજૉમાં 17 જુલાઇથી અત્યારસુધી 650 મિલિમિટર જેટલો રેકોર્ડ બ્રેકિંગ વરસાદ પડી ચૂક્યો છે. ચીની મીડિયા મુજબ છેલ્લા 60 વર્ષોથી જેંગજૉમાં આટલો ભયાનક વરસાદ નથી પડ્યો. ભારે વરસાદના કારણે 150 થી પણ વધુ ટ્રેન અને ફ્લાઇટ્સને રદ કરી દેવામાં આવી છે. 

Zhengzhou was caught in heavy rain. The rainfall in one hour this afternoon exceeded 200mm, and I guess the rainfall in 48 hours will exceed 800mm.Zhengzhou is a region with little rain in history.The rain belt in China feels moving northward.😲😲😲🙏🙏🙏 pic.twitter.com/YbNDGbGqtH

— Sharing travel (@lsjngs) July 20, 2021

જિનપિંગે લોકોને બચાવવા રેસ્ક્યૂ સેનાને તૈયાર કરી 
વરસાદના કહેરથી લોકોને બચાવવા માટે ચીનના રાષ્ટ્રપતિ જિનપિંગે 21 જુલાઇના રોજ પાણીમાં ડૂબેલા સબ-વે, હોટલ અને સાર્વજનિક જગ્યાઓ ઉપર ફસાયા લોકોના રેસ્ક્યૂ માટે સેનાને તૈયાર કરી છે. જિનપિંગે અધિકારીઓને લોકોની સુરક્ષાને સર્વપ્રથમ પ્રાથમિકતા આપવાનું કહ્યું છે અને પૂર નિવારણ અને આપત્તિ રાહતનાં પગલાં કાળજીપૂર્વક અને કડક રીતે લાગુ કરવાનું કહ્યું છે. 

Climate change is real. It is happening right now, it is the most urgent threat facing our entire species and we need to work collectively together and stop procrastinating.#china #climatechangeisreal @LossDamageYouth @mitzijonelle @GretaThunberg @kean_network @AlexandriaV2005 pic.twitter.com/FsVcGQnB2O

— Kevin Mtai (@KevinKevinmtai) July 20, 2021

મોસમ વિભાગે વરસાદ થવા પાછળના કારણો જણાવ્યા 
ચીનના મોસમ વિભાગે હેનાનમાં ભારે વરસાદ થવા પાછળ અનેક કારણો આપ્યા છે. તેમાંથી વાતાવરણીય દબાણ, વાવાઝોડા અને તે વિસ્તારની ભૌગોલિક સ્થિતિ તેના મુખ્ય કારણો છે. અહેવાલો મુજબ હેનાન જુલાઈના મધ્યમાં સબટ્રોપિકલ હાઇ પર હતો, જેના કારણે ભારે વરસાદ થયો છે. વાવાઝોડું 'યાન્હુઆ' ચીનના ફુજિયન ક્ષેત્રની નજીક આવતા, મોટા પ્રમાણમાં પાણીની વરાળ હેનાન પ્રદેશમાં પહોંચી હતી, જેના કારણે અનપેક્ષિત વરસાદ પડ્યો હતો. હેનાન મેટિઓરોલોજિકલ બ્યુરોના મુખ્ય હવામાન પ્રસારણકર્તા ઝાંગ નિંગે મીડિયાને જણાવ્યું હતું કે, 21 જુલાઇની રાત સુધી ભારે વરસાદની શક્યતા છે. 22થી 26 જુલાઈ સુધી હેનાનમાં વ્યાપક વરસાદની સંભાવના નથી.