- દાઉદ ઈબ્રાઈમના મોતની અફવા વચ્ચે સામે આવી તેની લવસ્ટોરી
- સુજાતા નામની છોકરીના પ્રેમમા પડ્યો હતો,
- સુજાતાની બીજે સગાઈ થઈ જતા દાઉદ રામપુરી ચાકૂ લઈને તેને ઘેર ગયો હતો
- સુજાતાએ સંબંધ તોડી નાખતાં પાછો ગયો અને મેહજબીનના પ્રેમમાં પડ્યો
દાઉદ ઈબ્રાહિમના જીવનની ઘણી વાતો પ્રખ્યાત છે. મુંબઈમાં એક સમયે ક્રાઈમનો પર્યાય ગણાતા દાઉદની લવસ્ટોરી પણ ઘણી લોકપ્રિય છે. જે છોકરી સાથે અંડરવર્લ્ડ ડોનને પહેલીવાર પ્રેમ થયો હતો તે પંજાબી હતી અને દક્ષિણ મુંબઈમાં દાઉદની દુકાન પાસે રહેતી હતી. નામ હતું સુજાતા. એસ. હુસૈન ઝૈદીએ તેમના પુસ્તક 'ડોંગરી સે દુબઈ તક'માં દાઉદ ઈબ્રાહિમની લવ સ્ટોરી પર વિગતવાર લખ્યું છે. તેમણે લખ્યું છે કે જ્યારે પણ સુજાતા દાઉદની દુકાન સામેથી પસાર થતી ત્યારે તે તેની સામે એકટશે તાકી રહેતો હતો.
સુજાતાના પરિવારને અફેર પસંદ ન હતું
દાઉદ સુજાતાના પ્રેમમાં પાગલ થઈ ગયો હતો. એક ઝલક મેળવવા માટે બસ સ્ટોપ પર કલાકો સુધી રાહ જોતા. આ સિલસિલો થોડા દિવસો સુધી ચાલતો રહ્યો અને આખરે સુજાતા પણ તેની તરફ આકર્ષાઈ. જ્યારે સુજાતાના માતા-પિતાને આ અફેરની જાણ થઈ ત્યારે તેઓ ગુસ્સે થઈ ગયા, કારણ કે દાઉદ મુસ્લિમ હતો અને ગુંડાગીરી માટે કુખ્યાત હતો. સુજાતાના માતા-પિતાને તેમનું નજીક આવવું ગમતું ન હતું. તેણે તરત જ તેની જ્ઞાતિનો એક છોકરો શોધી કાઢ્યો અને સુજાતાની સગાઈ કરાવી. સુજાતાને પણ ઘરની બહાર નીકળવા પર પ્રતિબંધ હતો.
રામપુરી ચાકુ લઈને તેની ગર્લફ્રેન્ડના ઘરે પહોંચ્યો
દાઉદ ઈબ્રાહિમને આ વાતની જાણ થઈ તો રાતોપીળો થઈ ગયો અને રામપુરી ચાકુ લઈને સુજાતાના ઘરે ધસી ગયો. ઘરનો દરવાજો જોર જોરથી ખખડવા લાગ્યો. જ્યારે સુજાતાના પિતા તેમના ઘરની બહાર આવ્યા, ત્યારે દાઉદે બૂમ પાડી કે તેણીને નક્કી કરવા દો કે તેણી કોની સાથે રહેવા માંગે છે. દરમિયાન નજીકમાં ભારે ભીડ પણ એકઠી થઈ ગઈ હતી.
માતાપિતાની ધમકીને કારણે સુજાતાએ દાઉદ સાથેનો સંબંધ તોડ્યો
થોડી વાર પછી સુજાતા તેના રૂમમાંથી બહાર આવી. માતા-પિતાએ તેને દાઉદ કે ડેવિડ (જેની સાથે સગાઈ થઈ હતી તે)ની પસંદગી કરવાનું કહ્યું હતું. માતાપિતાએ એવી પણ ધમકી આપી હતી કે જો તે ગુંડા-મવાલી દાઉદ સાથે જશે તો તે બિલ્ડિંગ પરથી કૂદીને આત્મહત્યા કરશે અને તે અનાથ બની જશે. સુજાતા ધાર્મિક સંકટમાં ફસાઈ ગઈ અને છેવટે દાઉદ સાથે સંબંધ તોડી નાખ્યો. સુજાતાએ કહ્યું- "આપણે સાથે રહીએ એ શક્ય નથી, હું તારી સાથે લગ્ન નહીં કરી શકું. આ સાંભળીને દાઉદ ગાળો બોલતો બોલતાં પાછો આવ્યો હતો. 1983માં આ અફેરના બ્રેકઅપ બાદ દાઉદ ઈબ્રાહિમ ડિપ્રેશનમાં રહેવા લાગ્યો હતો, પરંતુ આ ઉદાસી લાંબો સમય ટકી શકી નહીં અને તે ફરી પ્રેમમાં પડ્યો. દાઉદ ઘણીવાર મનીષ માર્કેટમાં તેના મિત્ર મુમતાઝની પરફ્યુમની દુકાન પર બેસતો હતો અને અહીં તેની નજર મહેજબીન પર પડી. તે બિલકુલ મુમતાઝ જેવી દેખાતી હતી પછી બન્ને પ્રેમમાં પડ્યાં અને લગ્ન પણ કરી લીધાં હતા.
દાઉદના મોતની અફવા ઉડી
અંડરવર્લ્ડ ડોન દાઉદ ઈબ્રાહિમ વિશે એવું કહેવામાં આવી રહ્યું હતું કે તેને પાકિસ્તાનમાં ઝેર આપવામાં આવ્યું હતું. આ પછી દાઉદને ગંભીર હાલતમાં કરાચીની હોસ્પિટલમાં દાખલ કરવાના સમાચાર પણ સામે આવ્યા હતા. પરંતુ હવે એવું લાગી રહ્યું છે કે આ તમામ સમાચાર ફરી એકવાર અફવાઓ સિવાય બીજું કંઈ નથી. એક અહેવાલમાં દાઉદને ઝેર આપવામાં આવ્યું હોવાના સમાચારને નકારવામાં આવ્યા છે.
ભારતની મોસ્ટ વોન્ટેડ લિસ્ટમાં નામ
દાઉદ ઈબ્રાહિમને 1993ના મુંબઈ બોમ્બ બ્લાસ્ટનો માસ્ટરમાઇન્ડ માનવામાં આવે છે. આ સીરિયલ બોમ્બ બ્લાસ્ટમાં 250 લોકોના મોત થયા હતા તો હજારો લોકો ઘાયલ થયા હતા. દાઉદ ઈબ્રાહિમને 2003માં અમેરિકા અને ભારતે વૈશ્વિક આતંકવાદી જાહેર કર્યો હતો. હાલમાં તે ભારતના મોસ્ટ વોન્ટેડની યાદીમાં છે. ભારત સતત કહી રહ્યું છે કે દાઉદ ઈબ્રાહીમ પાકિસ્તાનના કરાચીમાં રહે છે. જો કે પાકિસ્તાને હંમેશા આ અહેવાલોને નકારી કાઢ્યા છે. પરંતુ આખી દુનિયા જાણે છે કે પાકિસ્તાન ઓસામા સહિતના દુનિયાના આતંકવાદીઓને આશ્રય આપે છે.
