CWG 2022 / કૉમનવેલ્થ ગેમ્સમાં ભારતીય પુરૂષ હૉકી ટીમની જીત, ઘાનાને 11-0થી હરાવ્યું, હવે ઇંગ્લેન્ડ સામે મુકાબલો

• ભારતની પુરૂષ હૉકી ટીમની જીત
• ઘાનાને 11-0થી હરાવ્યું
• હરમનપ્રીતના હેટ્રિક ગોલ 

ભારતની પુરૂષ હૉકી ટીમની જીત થઇ છે. ત્યારે ભારતીય હૉકી ટીમના સ્ટાર ખેલાડી હરમનપ્રીત સિંહે હેટ્રિક ગોલ કર્યો હતો. ટોક્યો ઓલમ્પિક બ્રોન્ઝ મેડલ વિજેતા ભારતે પહેલા ક્વોર્ટરમાં ત્રણ, બીજામાં બે, ત્રીજામાં ચાર અને છેલ્લા ક્વાર્ટરમાં 2 ગોલ કર્યા. પોતાની 150મી આંતરરાષ્ટ્રીય મેચ રમી રહેલા હરમનપ્રીત સિંહે ત્રણ, જુગરાજ સિંહે 2 ગોલ કર્યા જ્યારે અભિષેક, મનદીપ સિંહ, નીલાકાંતા શર્મા, શમશેર સિંહ, વરુણ કુમાર અને આકાશદીપ સિંહે એક એક ગોલ કર્યો. ભારતીય ટીમ હવે સોમવારે ઇંગ્લેન્ડ સામે રમશે.

Another successful training session 💪

FULL TIME: Indian Men's #Hockey team beat Ghana with utter dominance in their opening group match

Final score: 1️⃣1️⃣- 0️⃣

Great job team! 💪💪💪#Cheer4India#India4CWG2022 pic.twitter.com/Es6GQQzAku

— SAI Media (@Media_SAI) July 31, 2022

ભારતીય મહિલા હૉકી ટીમ પણ મેડલ રેસમાં
ભારતીય મહિલા હૉકી ટીમે કૉમનવેલ્થ ગેમ્સમાં પુલ-એમાં વેલ્સને 3-1થી હરાવીને સતત બીજી જીત દાખલ કરી. ભારતીય ટીમે પોતાનાથી નિચલા રેન્કિંગના ઘાણા ટીમને 5-0થી હરાવીને અભિયાન શરૂ કર્યું હતું. વેલ્સ વિરૂદ્ધ મુકાબલા પહેલા જ નવજોત કૌરે કોવિડ-19 પોઝિટિવ આવતા ટીમને મોટો ઝટકો લાગ્યો.

સવિતા પૂનિયાની આગેવાનીવાળી ટીમ માટે વંદના કટારિયાએ 26મી અને 48મી મિનિટમાં 2 ગોલ કર્યા. ગુરજીત કૌરે 28મી મિનિટમાં એક ગોલ કર્યો. વેલ્સ માટે જેના હ્યૂજેસે 45 મિનિટમાં ગોલ કર્યો પોતાની ટીમના હારના અંતરને ઓછું કર્યું. ગુરજીતે આ પહેલા ઘાના વિરૂદ્ધ પણ 2 ગોલ કર્યા હતા. હવે ભારતીય ટીમની સામે 2 ઓગસ્ટે ઇંગ્લેન્ડથી થશે.