આશા / ભારત માટે સારા સમાચાર : પેટ્રોલ-ડીઝલના ભાવ ઓછા થવાના સંકેત

• ક્રૂડ ઓઇલના ભાવમાં ઘટાડો
• પ્રતિ બેરલ 105 ડોલરથી નીચે નોંધાયા ભાવ
• ભારત માટે રાહતના સમાચાર 

રશિયા અને યુક્રેન વચ્ચે યુદ્ધને કારણે ક્રૂડ ઓઇલના ભાવ આસમાને પહોંચ્યા હતા.  પરિણામે ભારતમાં પેટ્રોલ અને ડીઝલના ભાવે રફતાર પકડી છે. જો કે યુદ્ધની સ્થિતિને કાબૂમાં લેવા માટે પ્રયાસો કરવામાં આવી રહ્યા છે જેને પરિણામે ક્રૂ઼ડ ઓઇલના ભાવ પ્રતિ બેરલ 105 ડોલરથી નીચે નોંધાયા છે.

ક્રૂડ ઓઇલના ભાવ ઘટ્યા 

ક્રૂડ ઓઇલના ભાવમાં ઘટાડો થવો એ ભારત માટે રાહતના સમાચાર છે. કાચા તેલની કિંમતોમાં ઘટાડો નોંધાયો છે.રશિયા અને યુક્રેન વચ્ચે ચાલી રહેલા યુદ્ધને સમાપ્ત કરવાના પ્રયાસોને કારણે ક્રૂડ પ્રતિ બેરલ 105 ડોલરની નીચે પહોંચી ગયું છે. દેખીતી રીતે, ભારત માટે રાહતના સમાચાર છે કારણ કે ભારત કાચા તેલના 80 ટકા વપરાશ માટે આયાત પર નિર્ભર છે.

રશિયાના તેલનો કોઇ વિકલ્પ નહિ

રશિયા અને યુક્રેન વચ્ચેની વાતચીત અને યુદ્ધવિરામની આશાને કારણે ક્રૂડ ઓઈલના ભાવમાં ઘટાડો થયો છે. સાથે જ આ વાતને લઇને વિશ્વાસ પણ વધ્યો છે કે રશિયાના તેલનો કોઇ વિકલ્પ નથી. રશિયા અને યુક્રેન વચ્ચે ચાલી રહેલા યુદ્ધને કારણે યુરોપ રશિયા પાસેથી કાચુ તેલ ખરીદવાનું બંધ ન કરી શકે. યુદ્ધ ચાલુ રહેશે તો પણ રશિયામાંથી તેલની સપ્લાયમાં કોઇ બાધા નહી આવે. આથી કાચા તેલના ભાવમાં પણ ઘટાડો નોંધાયો. મહત્વનું છેકે યુરોપ 40 ટકા તેલ અને ગેસ માટે રશિયા પર નિર્ભર છે.

કાચા તેલની ખરીદી પર ભારતને મળશે ડિસ્કાઉન્ટ

રશિયાએ ભારતને સસ્તા ભાવે ક્રૂડ ઓઈલ વેચવાની ઓફર કરી છે. રશિયાએ વર્તમાન આંતરરાષ્ટ્રીય બજારમાં કિંમતો સામે પ્રતિ બેરલ $35ના ડિસ્કાઉન્ટ પર ભારતને ક્રૂડ ઓઈલ વેચવાની ઓફર કરી છે. મોદી સરકાર રશિયાની આ ઓફર પર ગંભીરતાથી વિચાર કરી રહી છે.  જો ભારત સરકાર ડિસ્કાઉન્ટ પ્રાઉસ પર કાચા તેલની ખરીદી કરશે તો  ભારતના ગ્રાહકોને ફાયદો થશે અને પેટ્રોલ અને ડીઝલના ભાવ કાબૂમા રહેશે .

કિંમત વધીને $140 થઈ હતી 

રશિયા-યુક્રેન યુદ્ધના કારણે ક્રૂડ ઓઈલની કિંમત 140 ડોલર પ્રતિ બેરલ સુધી પહોંચી ગઈ હતી. અમેરિકાએ રશિયામાંથી આયાત પર પ્રતિબંધ મૂક્યો અને યુરોપે પણ રશિયા પાસેથી તેલ ખરીદવાનું બંધ કરી દીધું હોવાના સમાચારને કારણે કાચા તેલના ભાવમાં મોટો ઉછાળો આવ્યો હતો અને તે 14 વર્ષની ટોચે પહોંચી ગયો હતો.