કોરોના વાયરસ / અમદાવાદમાં કોરોનાથી રોજના સરેરાશ 3 દર્દીના મોત, છેલ્લા 24 કલાકમાં 19ના મોત

• અમદાવાદમાં 24 કલાકમાં 19 દર્દીના મોત
• અમદાવાદમાં કુલ 128 દર્દીના મોત
• રાજ્યમાં કોરોનાના કુલ 3774 કોરોનાના કેસ

રાજ્યમાં કોરોનાનો કહેર દિવસેને દિવસે વધી રહ્યો છે ત્યારે અમદાવાદમાં સૌથી વધુ કોરોનાનો કહેર જોવા મળી રહ્યો છે. રાજ્ય સરકારની માહિતી અનુસાર, અમદાવાદમાં કોરોના વાયરસના અત્યાર સુધીમાં 3774 કોરોનાના કેસ નોંધાયા છે. આમ 19 માર્ચે અમદાવાદમાં પ્રથમ કોરોના વાયરસનો કેસ નોંધાયો હતો જેની આજે સંખ્યા 2543 અને કુલ મૃત્યુઆંક 128 છે. આ આંકડાઓનું આંકલન કરીએ તો રોજના અમદાવાદમાં સરેરાશ 3ના મોત થાય છે. જોકે અમદાવાદમાં કુલ 241 દર્દીઓ સ્વસ્થ થઇ ચૂક્યા છે. અમદાવાદમાં કોરોના સંક્રમિત લોકોનો મૃત્યુદર દેશના અન્ય મોટા શહેર કરતા વધુ છે. જ્યારે છેલ્લાં 24 કલાકમાં 19ના મોત થતા અમદાવાદમાં દોઢ કલાકે સરેરાશ એકનું મોત થયું છે. 

છેલ્લાં 10 દિવસમાં અમદાવાદમાં કોરોના પોઝિટિવના નોંધાયેલા કેસ

આ અંગે અગાઉ અમદાવાદ મ્યુન્સિપલ કમિશ્નર વિજય નેહરાએ જણાવ્યું હતું કે, મૃત્યુદરને ઘટાડવા માટે લોકોએ વયોવૃદ્ધ નાગરિકોની વધારે દેખભાળ રાખવાની આવશ્યક્તા છે. અન્ય લોકોની સરખામણીમાં વૃદ્ધો પર કોરોના વાયરસના સંક્રમણનો શિકાર બનાવાનું જોખમ વધારે રહે છે.

નેહરાએ વધુમાં જણાવ્યું હતું કે, મૃત્યુદર ઓછો કરવાનો શ્રેષ્ઠ ઉપાય સિનીયર સિટીઝનની સંભાળ કરવાનો છે. હું લોકોને વરિષ્ઠ નાગરિકોની અને ખાસ કરીને એવા લોકોની દેખરેખ કરવાનો આગ્રહ કરું છુ, જે પહેલાથી જ કોઈને કોઈ બીમારીથી પીડિત છે. આ મૃત્યુદર ઘટાડવો જરૂરી છે. એવામાં નાગરિકોએ પણ સ્થિતિમાં સુધારો થાય, ત્યાં સુધી પરિવારના અન્ય લોકો સાથે સોશિયલ ડિસ્ટન્સિંગ જાળવવું જોઈશે. આ સિવાય માસ્ક પહેર અને બને ત્યાં સુધી પોતાના ઘરોમાંથી નીકળવાનું ટાળવું જોઈએ.