કાર્યવાહી / કોંગ્રેસના મહિલા સાંસદે રાજ્યસભામાં કર્યું ચોંકાવનારુ કામ, સ્પીકરે કર્યાં બરખાસ્ત, સરકાર આકરા પાણીએ

• રાજ્ય સભાનો વીડિયો રેકોર્ડ કરીને કોંગ્રેસ સાંસદ ફસાઈ
• સાંસદને તાત્કાલીક સસ્પેન્ડ કરાયા

મળીતી માહિતી પ્રમાણે કોંગ્રેસ પાર્ટીના સાંસદ એવા રજની પાટીલને સ્પીકર દ્વારા સસ્પેન્ડ કરી દેવામા આવ્યા છે. ઘટના એ હતી કે કોંગ્રસના સાંસદ રજની પાટીલે ચાલુ ગૃહનું રેકોર્ડીંગ પોતાના મોબાઈલમાં કર્યું હતુ. નિયમ પ્રમાણે અંદર મોબાઈલ કે અન્ય કેમેરાથી શુટીંગ કે વીડિયો બનાવવો ગેરકાયદે છે તેમ છતાં આ સાંસદે વીડિયો રેકોર્ડ કર્યો હતો. જેને લઈને સ્પીકરે નારાજી દર્શાવી હતી અને આ સાથે જ તેમણે સાંસદને સસ્પેન્ડ કરવા સુધીની કાર્યવાહી કરી હતી. આ મામલાની કેન્દ્રીય મંત્રી પિયુષ ગોયલે પણ રાજ્યસભામાં ઉઠાવ્યો હતો અને આ મામલે યોગ્ય કાર્યવાહી કરવા સુધીની માંગ પણ કરી હતી. જો કે સ્પીકર દ્વારા રજની પાટીલને સસ્પેન્ડ કરતા કોંગ્રેસે ગૃહ માંથી વોક આઉટ કર્યુ હતુ. 

વીડિયો રેકોર્ડ કરી સોશિયલ મીડિયામાં પોસ્ટ પણ કર્યો
કોંગ્રેસના સાંસદે રજની પાટીલે રાજ્યસભાના ચાલુ સદનનો વીડિયો મોબાઈલમાં શુટ કર્યો હતો એટલુ જ નહીં તેમણે તે વીડિયોને ટ્વિટર પર પણ શેર કર્યો હતો. આ મામલે સંસદીય વિશેષાધિકાર સમિતીનો રીપોર્ટ ન આવે ત્યાં સુધી સાંસદને બજેટ સત્રના બાકીના દિવસો સુધી સસ્પેન્ડ કરવામાં આવ્યા છે. સભાપતી દ્વારા કરવામાં આવેલી આ જાહેરાત બાદ કોંગ્રેસે ગૃહ માંથી વોક આઉટ કરી લીધુ હતુ.

કેન્દ્રીય મંત્રી પિયુષ ગોયલે ઉઠાવ્યા સવાલ
કોંગ્રેસ સાંસદ રજની પાટીલે ગૃહની કાર્યવાહીનો મોબાઈલમાં ઉતારેલા વીડિયોને લઈને કેન્દ્રીય મંત્રી પિયુષ ગોયલે કેટલાક સવાલો ઉભા કરી દિધા છે. તેમણે કહ્યુ હતુ કે, ગૃહમાં શુટ કરેલો વીડિયો સોશિયલ મીડિયામાં જોવા મળી રહ્યો છે. આ વીડિયો ખૂબ જ વાયરલ થયો છે. જો કે આ વીડિયોમાં કોંગ્રેસના કેટલાક નેતાઓ તમને જોવા મળી રહ્યા છે. ત્યારે મારૂ એવુ માનવુ છે કે સદનમાં આ પ્રકારે વીડિયો બનાવવો તે ચિંતાનો વિષય છે.