બિહાર / પપ્પુ યાદવને કોંગ્રેસનું અલ્ટિમેટમ, કહ્યું 'નોમિનેશન પરત ખેંચો', શું પૂર્ણિયા સીટ પર જામશે ત્રિકોણીય જંગ?

Lok Sabha Election 2024 : લોકસભા ચૂંટણી પહેલા બિહારના રાજકારણમાં ગરમાવો આવી ગયો છે. વાત જાણે એમ છે કે, પપ્પુ યાદવે બિહારની પૂર્ણિયા સીટ પરથી અપક્ષ ઉમેદવાર તરીકે ચૂંટણી લડવા તૈયારી બતાવી છે. આ સીટ મહાગઠબંધનમાં રાષ્ટ્રીય જનતા દળ (RJD)ના ક્વોટામાં છે. RJDની બીમા ભારતી આ બેઠક પરથી વિપક્ષી ગઠબંધનના ઉમેદવાર છે. જોકે પપ્પુ યાદવના નામાંકનથી મહાગઠબંધનની ખેંચતાણ વધી ગઈ છે. પપ્પુ યાદવના નામાંકનને લઈને અત્યાર સુધી મૌન રહેલી કોંગ્રેસે હવે પ્રતિક્રિયા આપી છે.

#WATCH | Bihar: After filing nomination as an independent from Purnia Lok Sabha, Pappu Yadav says, "I have the support of Congress, I had to contest as an independent...many people conspired to murder me politically. The people of Purnia have always kept Pappu Yadav above caste… pic.twitter.com/wuYRwMLuvw

— ANI (@ANI) April 4, 2024

બિહાર કોંગ્રેસે પપ્પુ યાદવને અલ્ટીમેટમ આપીને અપક્ષ ઉમેદવાર તરીકે પોતાનું નામાંકન પાછું ખેંચી લેવા જણાવ્યું છે. બિહાર કોંગ્રેસના અધ્યક્ષ અખિલેશ પ્રતાપ સિંહે કહ્યું છે કે, કોઈએ પણ સ્વતંત્ર ઉમેદવારી નોંધાવવી જોઈએ નહીં. તેમણે કહ્યું કે, કોંગ્રેસ હાઈકમાન્ડ આ બધી બાબતો કોઈને મંજૂરી આપતું નથી. બિહાર કોંગ્રેસ અધ્યક્ષે એમ પણ કહ્યું કે, એવા લોકો વધુ છે જેમને ટિકિટ નથી મળી. તેમણે કહ્યું કે, કોંગ્રેસ પાર્ટી આવી બાબતોને સ્વીકારતી નથી. બિહાર કોંગ્રેસ અધ્યક્ષે કહ્યું કે, ઉમેદવારી પાછી ખેંચવા માટે હજુ સમય બાકી છે. પપ્પુ યાદવે પોતાનું નામાંકન પાછું ખેંચી લેવું જોઈએ.

વધુ વાંચો: H5N1 વાયરસ જે કોરોનાથી પણ 100 ગણો વધારે ઘાતક છે, નિષ્ણાંતોએ આપી વૉર્નિંગ, જુઓ શું કહ્યું

નોંધનીય છે કે, RJD ઉમેદવાર બીમા ભારતીએ 3 એપ્રિલે પૂર્ણિયા બેઠક પરથી ઉમેદવારી નોંધાવી હતી. બીમા ભારતીના નોમિનેશનના બીજા જ દિવસે પપ્પુ યાદવે અપક્ષ તરીકે નોમિનેશન ભર્યું. પપ્પુ યાદવે કોંગ્રેસને ઉત્સાહિત કરતા દાવો કર્યો કે, તેમણે સોનિયા ગાંધી અને રાહુલ ગાંધીના આશીર્વાદથી જ નામાંકન કર્યું છે. આ પહેલા પૂર્ણિયા સીટ પરથી ઉમેદવારી પત્રની જાહેરાત કરતી વખતે પપ્પુ યાદવે કોંગ્રેસને વિનંતી કરી હતી કે તેઓ તેમની સામે કોઈ કાર્યવાહી ન કરે. કોંગ્રેસમાં પોતાની પાર્ટીના વિલયની જાહેરાત કરતી વખતે પપ્પુ યાદવે કહ્યું હતું કે, તેઓ મહાગઠબંધનની ટિકિટ પર પૂર્ણિયા સીટથી ચૂંટણી લડશે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો