છોટાઉદેપુર / મેં ડરેગા નહીં! ગોળી ખાઈ લઇશ પણ અન્યાય નહીં થવા દઉં, કોંગ્રેસી નેતાની પુષ્પા સ્ટાઈલ

• CMની છોટાઉદેપુરની મુલાકાત પહેલા કાર્યવાહી
• કોંગ્રેસના નેતા સંગ્રામસિંહ રાઠવાની અટકાયત
• વિરોધની શકયતાને પગલે અટકાયત 

સીએમ ભૂપેન્દ્ર પટેલ આજે છોટાઉદેપુરની મુલાકાતે છે અહીં તેઓના કાર્યક્રમમાં વિરોધ થવાના એંધાણ વચ્ચે કોંગ્રેસના નેતા સંગ્રામસિંહ રાઠવાની અટકાયત કરવામાં આવી છે. સીએમના આગમન પહેલા જ કોંગ્રેસના નેતા સંગ્રામસિંહ રાઠવાની અટકાયત કરવામાં આવી હતી.  ત્યારે અટકાયતનો એક વીડિયો સામે આવ્યો છે જેમાં અટકાયત દરમિયાન સંગ્રામ સિંહે કેમેરા સામે શું કીધુ આવો જાણીએ.
કોંગ્રેસના નેતાની અટકાયત 

કોંગ્રેસના નેતા સંગ્રામસિંહ રાઠવાની તેમના કાર્યાલય ખાતેથી અટકાયત કરવામાં આવી હતી. આ દરમિયાન તેમણે પુષ્પા સ્ટાઇલમાં જણાવ્યુ હતું કે  ડરેગા નહી, ફાયર હે મે, આદિવાસી હૈ.  આદિવાસી સમાજે ડરવાની જરુર નથી.  સાથે જ આજે છોટાઉદેપુરમાં આયોજિત સીએમ ભૂપેન્દ્ર પટેલના કાર્યક્રમમાં ન જવાની અપીલ કરી હતી.  વધુમાં એમ પણ જણાવ્યું કે હું ગોળી ખાઇ લઇશ પણ સમાજ સાથે અન્યાય નહી થવા દઉં. મહત્વનું છે કે  રાઠવા જાતિના દાખલાનો પ્રશ્ન હલ ન થતા સમસ્ત આદિવાસી સમાજમાં રોષ જોવા મળી રહ્યો છે. 

નગર પાલિકાની ચૂંટણીમાં બિનહરીફ ચૂંટાયા હતા 

ઉલ્લેખનીય છે કે નવેમ્બર મહિનામાં છોટાઉદેપુર નગરપાલિકાની ચૂંટણીમાં કોંગ્રેસના સંગ્રામસિંહ રાઠવાની બિનહરીફ વરણી થઇ હતી. અગાઉના પ્રમુખ નરેન જયસ્વાલ સામે અવિશ્વાસની દરખાસ્ત પસાર થતાં તેઓને પ્રમૂખ પદેથી દૂર કરાયા હતા. જે બાદ પ્રમૂખની ચુંટણી યોજાતાં કોંગ્રેસના સંગ્રામસિંહ રાઠવા બિનહરીફ ચૂંટાઇ આવ્યા હતા.. છોટાઉદેપુર નગરપાલિકામાં  કોંગ્રેસના 8, બસપા 9, ભાજપ 4, બીટીપી 2 અને અપક્ષ 5, સભ્યો ચૂંટાયેલા છે. બીજેપીને સત્તાથી દૂર રાખવા બસપા અને કોંગ્રેસે હાથ મિલાવતાં કોંગ્રેસના ઉમેદવાર સંગ્રામસિંહ રાઠવાએ એક માત્ર પ્રમૂખ તરીકેની ઉમેદવારી નોંધાવતાં બિનહરિફ ચૂંટાયા હતા. 

ભૂપેન્દ્ર પટેલ છે છોટાઉદેપુરની મુલાકાતે 

મહત્વનું છે કે સીએમ  ભુપેન્દ્ર પટેલ આજે છોટાઉદેપુર જિલ્લાની મુલાકાતે છે. તેઓ છોટાઉદેપુર ખાતે એસ.એન.કોલેજના મેદાનમાં એક વિશાળ જનસભાને સંબોધશે. આ ઉપરાંત છોટાઉદેપુર જિલ્લાના લોકો માટે પાણી પુરવઠા વિભાગની વિવિધ યોજનાઓ તેમજ અન્ય વિકાસના રૂપિયા 131 કરોડના વિવિધ પ્રકલ્પોનું ઇ લોકાર્પણ અને ખાત મુહૂર્ત કરશે. ત્યારે આ કાર્યક્રમને લઇને વિરોધનો સૂર ઉઠ્યો છે.