BIG NEWS / ગુજરાતમાં AAP સાથે ગઠબંધન બાદ કોંગ્રેસમાં થશે ભડકો? આ નેતાએ કહ્યું- હું આજે દિલ્હી હાઇકમાન્ડને મળીશ

લોકસભાની ચૂંટણીને લઈ આમ આદમી પાર્ટી અને કોંગ્રેસ વચ્ચે થયેલા ગઠબંધનને લઈ ભરૂચ લોકસભા બેઠક પર કોંગ્રેસમાં નવા જૂની થવાના એંધાણ સર્જાયા છે. ભરૂચ લોકસભા બેઠક પરથી કોંગ્રેસના ઉમેદવારને ચૂંટણીમાં ઉતારવાની કોંગ્રેસ કાર્યકરોની માંગ હતી. જ્યારે ગઠબંધનમાં નક્કી થયું છે કે, આ બેઠક પરથી આમ આદમી પાર્ટીના ઉમેદવાર ચૈતર વસાવા લોકસભાની ચૂંટણી લડશે. જેને લઈ  ફૈઝલ પટેલે અને મુમતાઝ પટેલે તેમનો આક્રોશ ઠાલવ્યો છે. 

હું આજે દિલ્લી જઈને હાઇકમાન્ડને મળીશઃ ફૈઝલ પટેલ
ગુજરાતમાં કોંગ્રેસ-AAP વચ્ચે ગઠબંધનને લઇ ભરૂચમાં ભડકાના એંધાણ સર્જાયા છે. ભરૂચમાં કોંગ્રેસના દાવેદાર ફૈઝલ પટેલે ગઠબંધનનો વિરોધ કર્યો છે. તેમણે કહ્યું કે, હું આજે દિલ્લી જઈને હાઇકમાન્ડને મળીશ. ભરૂચ લોકસભાની સીટ પરથી કોંગ્રેસનો જ ઉમેદવાર હોવો જોઈએ. તેમણે ઉમેર્યું હતું કે, હું અને કોંગ્રેસ પાર્ટીના કાર્યકરો આનો વિરોધ કરીએ છીએ. ફૈઝલ પટેલે કહ્યું કે, હું કોંગ્રેસના હાઈકમાન્ડને મળવા જઉં છું, હજુ ઘણો સમય છે. તેમણે કહ્યું કે, ચૈતરભાઈને જે બોલવું હોય તે બોલવા આપો હજુ વાત પૂરી થઈ નથી, હજુ ઘણો સમય છે. પાર્ટીના કાર્યકરો જે કહેશે તે હું કરીશ. ભરૂચ બેઠક કોંગ્રેસની જડ છે

ગઠબંધન જાહેરાત બાદ મુમતાઝ પટેલની પ્રતિક્રિયા
ગુજરાત લોકસભા ચૂંટણીમાં AAP-કોંગ્રેસ ગઠબંધન જાહેર કરાયા બાદ મુમતાઝ પટેલે પ્રતિક્રિયા આપતા કહ્યું કે, ભરૂચ બેઠક સુરક્ષિત નહી કરવા બદલ જિલ્લા કેડરની માફી માગુ છુ.આપણે સાથે મળીને કોંગ્રેસને મજબૂત બનાવીશુ. 

વાંચવા જેવું: ભરૂચ બેઠક પર એક થઈ શકશે AAP અને કોંગ્રેસના કાર્યકર્તાઓ? ચૈતર વસાવાએ કહ્યું- તમામ સાથીઓને સાથે લઈને ચાલીશ

AAPના ઉમેદવાર ચૈતર વસાવાએ શું કહ્યું
AAPના ઉમેદવાર ચૈતર વસાવાએ કોંગ્રેસ અને આમ આદમી પાર્ટીના ગઠબંધનને લઈ કરેલી જાહેરાતને વધાવતા કહ્યું કે, કોંગ્રેસના મોવડી મંડળ તેમજ ફૈઝલ પટેલ અને મુમતાઝ પટેલનો આભાર માનું છું. તેમણે ઉમેર્યું કે, હું વિશ્વાસ આપુ છું કે કોંગ્રેસના સાથીઓને સાથે લઈને આગળ વધીશુ. કોંગ્રેસના લોકો સાથે બેસી રણનીતિ બનાવી ભરૂચ લોકસભા બેઠક પરથી જીતીને અહેમદ પટેલને શ્રદ્ધાંજલિ આપીશું. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો