મિશન 2024 / ભરૂચ બેઠક પર એક થઈ શકશે AAP અને કોંગ્રેસના કાર્યકર્તાઓ? ચૈતર વસાવાએ કહ્યું- તમામ સાથીઓને સાથે લઈને ચાલીશ

Dinesh

Last Updated: 05:38 PM, 24 February 2024

FOLLOW ON

શેર કરો

Loksabha Election 2024: AAPના ચૈતર વસાવાએ કહ્યું કે, સ્વાભિમાન યાત્રાનો ત્રીજો દિવસ છે તેમાં જિલ્લા કોંગ્રેસ પ્રમુખ સહિત કાર્યકરો જોડાય અને વધારેમાં વધારે જનસંપર્ક કરીને ભરૂચ બેઠક જીતીશુ

લોકસભાની ચૂંટણીને લઈ રાજકીય પક્ષો કવાયતમાં લાગી ગયા છે. આ તરફ હવે લોકસભા ચૂંટણી 2024ની જાહેરાત થવાને ગણતરીના જ દિવસો બાકી રહ્યાં છે. ત્યારે કોંગ્રેસ અને આમ આદમી પાર્ટીનું ગઠબંધન નક્કી થઈ ગયું છે, આમ આદમી પાર્ટીએ અગાઉ જાહેરાત કરી ચુકેલી બેઠક ભરૂચ તેમજ ભાવનગર બેઠક પરથી ચૂંટણી લડશે. જ્યારે કોંગ્રેસ રાજ્યની અન્ય 24 બેઠક પર તેમના ઉમેદવારો મેદાનમાં ઉતારશે. ત્યારે ભરૂચ લોકસભા બેઠકના ઉમેદવાર ચૈતર વસાવાનુ મહત્વનું નિવેદન સામે આવ્યું છે

AAPના ઉમેદવાર ચૈતર વસાવાનુ નિવેદન
AAPના ઉમેદવાર ચૈતર વસાવાએ કોંગ્રેસ અને આમ આદમી પાર્ટીના ગઠબંધનને લઈ કરેલી જાહેરાતને વધાવતા કહ્યું કે, કોંગ્રેસના મોવડી મંડળ તેમજ ફૈઝલ પટેલ અને મુમતાઝ પટેલનો આભાર માનું છું. તેમણે ઉમેર્યું કે, હું વિશ્વાસ આપુ છું કે કોંગ્રેસના સાથીઓને સાથે લઈને આગળ વધીશુ. કોંગ્રેસના લોકો સાથે બેસી રણનીતિ બનાવી ભરૂચ લોકસભા બેઠક પરથી જીતીને અહેમદ પટેલને શ્રદ્ધાંજલિ આપીશું.

વાંચવા જેવું: કોંગ્રેસ અને AAPના ગઠબંધન બાદ C R પાટીલના પ્રહાર, કહ્યું વિધાનસભામાં ડિપોઝિટ જપ્ત થઈ ગઈ હતી, હવે દિવાસ્વપ્ન જુએ છે

"વધારેમાં વધારે જનસંપર્ક કરીને ભરૂચ બેઠક જીતીશુ"
ચૈતર વસાવાએ કહ્યું કે, સ્વાભિમાન યાત્રાનો ત્રીજો દિવસ છે તેમાં જિલ્લા કોંગ્રેસ પ્રમુખ સહિત કાર્યકરો જોડાય અને વધારેમાં વધારે જનસંપર્ક કરીને ભરૂચ બેઠક જીતીશુ. વધુમાં ઉમેર્યું કે, ચોક્કસ રણનીતિ બનાવીને આગળ વધીશું તો ચોક્કસ લોકસભા બેઠક જીતીશું. લોકતંત્રને બચાવવા I.N.D.I.A ગઠબંધનને એકજૂથ થવા ચૈતર વસાવાએ હાકલ પણ કરી હતી.

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો

સંકળાયેલા મુદ્દાઓ

AAP Congress alliance Chaitar Vasava Statement Election 2024 loksabha Election 2024 લોકસભા ચૂંટણી 2024 loksabha election 2024