VIDEO / ટ્રાફિક સિગ્નલ પર વાહન ચાલકોને ગરમીથી મળશે રાહત, રસ્તા પર મૂકવામાં આવ્યા સ્પ્રિંક્લર્સ, જુઓ વીડિયો

અમદાવાદમાં ગરમીના પ્રમાણમાં સતત વધારો થઈ રહ્યો છે. તાપમાનનો પારો 40 થી 41 ડિગ્રી સુધી પહોંચ્યો છે અને હજુ આગામી દિવસોમાં 44 થી 45 ડિગ્રી સુધી પહોંચે તેવી પણ શક્યતાઓ છે.  ત્યારે હવે બપોર ના સમયે રસ્તા પર ઓછો ટ્રાફિક જોવા મળે છે પણ જે લોકોને ન છુટકે બહાર નીકળવું પડે તેમ છે તેવા નાગરિકોને ગરમીમાં રાહત આપવા માટે અમદાવાદ મ્યુ કોર્પોરેશન દ્વારા કાંકરિયાના પુષ્પકુંજ ચાર રસ્તા પર એક અનોખી પહેલા કરાઇ છે.. જેમાં  વાહન ચાલકોને રાહત મળે તે માટે ખાસ વ્યવસ્થા કરીને સ્પ્રિંકલર સિસ્ટમ ની શરૂઆત કરવામાં આવી છે. 

અમદાવાદ મ્યુનિસિપલ કોર્પોરેશન દ્વારા શહેરના મણિનગર વિસ્તારમાં પુષ્પકુંજ ચાર રસ્તા ખાતે પાયલોટ પ્રોજેક્ટ અંતર્ગત સ્પ્રિંગ કલર સિસ્ટમ મૂકવામાં આવી છે જેમાં 120 સેકન્ડ સુધી સ્ટોપ સિગ્નલ હોય એ સમય દરમિયાન વાહન ચાલકો ઉપર પાણીના ફુવારા કરવામાં આવે છે જેથી વાહનચાલકોને ગરમીમાંથી થોડીક રાહત મળી શકે જ્યારે સેકન્ડ સિસ્ટમ ગોઠવવાના કારણે પાણીનો પણ ખૂબ ઓછો વ્યય થાય છે. એક સિગ્નલ પર દિવસ દરમિયાન  200 લીટર જેટલા પાણીનો ઉપયોગ થાય છે..  ડ્રમ ખાલી થાય તો ટેનકર મારફતે પાણી ભરાય છે આવનારા દિવસોમાં અમદાવાદના તમામ જંક્શન પર સ્પ્રિંકલર સિસ્ટમ કાર્યરત થશે.પહેલા જંક્શન પર ગ્રીન નેટ પણ બાંધવામાં આવતી હતી 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો