ચેતજો / IT રિટર્ન ફાઇલ કરવાની આખરે આ છે અંતિમ તારીખ, CBDTએ કર્યો ખુલાસો

સેન્ટ્રલ બોર્ડ ઑફ ડાયરેક્ટ ટેક્સેજ (CBDT) એ સ્પષ્ટ કર્યુ છે કે ITR ફાઇલિંગની તારીખ વધારવામાં નથી આવી. આ ખોટો મેસેજ છે. CBDTએ કરદાતાઓને અપીલ કરી છે કે નિર્ધારિત સીમા, 31 ઓગસ્ટ 2019 સુધી ITR ફાઇલ કરી લે.

CBDTએ ટ્વિટ કર્યુ છે કે, 'CBDT નાં ધ્યાને આવ્યું છે કે સોશિયલ મીડિયા પર IT રિટર્ન ફાઇલિંગ માટે સમય વધારવા મામલે એક મેસેજ શેર કરવામાં આવી રહ્યો છે. એ સ્પષ્ટ કરવામાં આવે કે આ આદેશ સત્ય નથી. કરદાતાઓને સલાહ આપવામાં આવે છે કે 31 ઓગસ્ટ 2019 સુધી રિટર્ન દાખલ કરી લે.'

It has come to the notice of CBDT that an order is being circulated on social media pertaining to extension of due dt for filing of IT Returns. It is categorically stated that the said order is not genuine.Taxpayers are advised to file Returns within extended due dt of 31.08.2019 pic.twitter.com/m7bhrD8wMy

— Income Tax India (@IncomeTaxIndia) August 30, 2019

CBDTએ ખોટો લેટર પણ રજૂ કર્યો છે કે જેમાં લખવામાં આવ્યું છે કે અનેક કારણોથી કરદાતાઓને ITR ફાઇલ કરવામાં મુશ્કેલી થઇ રહી છે અને આ કારણથી ડ્યૂ ડેટને 30 સપ્ટેમ્બર 2019 સુધી વધારી દેવામાં આવી છે.

ઉલ્લેખનીય છે કે, હવે નવા નિયમો અનુસાર IT રિટર્ન જો છેલ્લી તારીખ સુધીમાં ન ભરાય તો આર્થિક દંડ પણ ભરવો પડે છે. જેથી જેઓએ રિટર્ન ભરવાનું બાકી છે તેઓ આવાં કોઈ જ ખોટા મેસેજથી ગેરમાર્ગે દોરાય નહીં પરંતુ IT રિટર્ન 31 ઓગસ્ટ સુધીમાં જરૂરથી ભરી દે.