ગાઝિયાબાદ / રસ્તા વચ્ચે બાખડ્યા વિદ્યાર્થીઓ, પાછળથી ફૂલ સ્પીડમાં ગાડી આવી અને...જીવ અધ્ધર કરી દે એવો VIDEO VIRAL

• વિદ્યાર્થીઓના બે ગ્રુપો વચ્ચે રસ્તા વચ્ચે મારપીટ 
• એવામાં એક કારે આવીને મારી એક છાત્રને ટક્કર 
• ગાઝિયાબાદની ઘટના 

વિદ્યાર્થીઓના બે ગ્રુપો વચ્ચે રસ્તા વચ્ચે મારપીટ 

ગાઝિયાબાદમાં બે છાત્રો વચ્ચે થયેલ ઝઘડો સામે આવ્યો છે. વીડિયોમાં હેરાન કરી મુકવાવાળી વાત તો એ છે કે છાત્રોનાં ઝઘડા વચ્ચે એક સફેદ રંગની કાર ઝડપથી આવે છે અને બંને છાત્રોને જોરદાર ટક્કર મારી દે છે. કારની ટક્કરથી છાત્ર હવામાં ઊછળી જાય છે છતાં પણ બીજો છાત્ર તેને મારવા જાય છે. 

A fight broke out between 2 student groups in Ghaziabad. What seems to be a tragic accident turned out to be a meme material when a student who was hit by a car got up and started fighting again 🤧😂#jaat #gazhiabaad #up #fight #gangwar #car #students pic.twitter.com/B5zr5VkU1d

— Rishabh Hindwan (@rishabhhindwan) September 21, 2022

આ ઘટના બુધવાર બપોરની ગાઝિયાબાદનાં મસૂરી ક્ષેત્રની જણાવવામાં આવી રહી  છે. શહેરનાં પ્રાઇવેટ કોલેનાં બીબીએનાં છાત્રોનાં બે ગ્રુપ વચ્ચે રસ્તા વચ્ચે મારપીટ થયાના વીડિયો ઝડપથી સોશિયલ મીડિયા પર વાયરલ થઈ રહ્યા છે. વીડિયોમાં સ્પષ્ટ જોઈ શકાય છે કે કોલેજનાં છાત્રો એકબીજા સાથે મારપીટ કરી રહ્યા છે. 

એક કારે આવીને મારી એક છાત્રને ટક્કર 

જ્યારે છાત્રો ઝઘડી રહ્યા હતા, તે જ સમયે સફેદ રંગની એક ગાડી છાત્રો તરફ આગળ આવે છે. અમુક છાત્રો તેને જોઈને ભાગી જાય છે, પણ બે છાત્રો તેની લપેટમાં આવી જાય છે. કારની ટક્કર એટલી તીવ્ર હોય છે કે એક છાત્ર હવામાં ઊડી જાય જાય છે અને પછી જમીન પર આવીને પાછડાય છે. કાર ચાલક આટલા પર અટકતો નથી અને બીજા છાત્રો પર પણ કાર ચઢાવવાની કોશિશ કરે છે. જમીન પર પડેલા છાત્રને પછી બીજા ગ્રુપનાં છાત્રો મારવાનું શરૂ કરી દે છે. 

પોલીસ કરી રહી છે તપાસ 

વાયરલ થયેલો વીડિયો જ્યારે પોલીસને મળ્યો ત્યારે પોલીસ તરત જ તપાસ કરીને કાર શોધી કાઢી. કાર સીઝ કરીને ફરિયાદ પણ નોંધવામાં આવી. પોલીસનું કહેવુ છે કે એકબીજા સાથે મારપીટ કરનાર છાત્રો એક જ કોલેજના છે. સિનિયર અને જુનિયર છાત્રો વચ્ચે મારપીટ થઈ છે. અમે બંને ગ્રુપોને કસ્ટડીમાં લીધા છે. મામલાની તપાસ કરવામાં આવી રહી છે. ફરાર થયેલા છાત્રોની તપાસમાં પોલીસ લાગેલી છે.