બિઝનેસ / તમારી પાસે છે? આ કંપની એક શેર પર કરી 104 રૂપિયાના ડિવિડન્ડની જાહેરાત

આજે, જ્યારે BSE સેન્સેક્સમાં નજીવો 0.43%નો વધારો થયો હતો, ત્યારે દેવામુક્ત કંપની સ્વરાજ એન્જિન્સનો શેર 6.09% વધીને બપોરે 1:20 વાગ્યા સુધીમાં ₹4,419.90 પર પહોંચી ગયો. આજે તે ₹4,432.15 ના હાઈ લેવલને પણ સ્પર્શી ગયો. એટલે કે, 6.38% નો વધારો. આ તેજી અચાનક આવી ન હતી. તેની પાછળ બે મુખ્ય કારણો છે. પ્રથમ, કંપનીના જૂન ક્વાર્ટરના મજબૂત પરિણામો અને બીજું, રેકોર્ડ ડિવિડન્ડનું વાતાવરણ.

ડિવિડન્ડ: પ્રતિ શેર ₹104.50

આ વર્ષે સ્વરાજ એન્જિન્સે તેના ઇતિહાસમાં સૌથી મોટો ડિવિડન્ડ ₹104.50 પ્રતિ શેર જાહેર કર્યો છે. ગયા વર્ષે તે ₹94 હતો. 27 જૂન સુધી શેર ધરાવતા શેરધારકોને આજે (15 જુલાઈ) વાર્ષિક સામાન્ય સભા પછી આ ચુકવણી મળશે. વર્તમાન ભાવે ડિવિડન્ડ યીલ્ડ 2.32% છે.

ફાયદામાં ધમાકો

ગયા વર્ષે (Q1FY25) આ જ ક્વાર્ટરમાં કંપનીએ ₹43 કરોડનો નફો કર્યો હતો, જ્યારે આ વખતે (Q1FY26) તે 15.7% વધીને ₹50 કરોડ થયો છે. તે જ સમયે, આવક પણ 15.8% વધીને ₹484.10 કરોડ થઈ છે. EBITDA માર્જિન 13.9% રહ્યું, જે દર્શાવે છે કે કંપની વધતી કમાણી સાથે કાર્યક્ષમતા જાળવી રહી છે.

મહિન્દ્રાનો ટેકો અને કંપનીની ઓળખ

• મહિન્દ્રાની મજબૂત પકડ: મહિન્દ્રા એન્ડ મહિન્દ્રા (M&M) કંપનીમાં 52.12% હિસ્સો ધરાવે છે. આ પેટાકંપની ખાસ કરીને ટ્રેક્ટર માટે ડીઝલ એન્જિનનું ઉત્પાદન કરે છે.
• ખેડૂતનો મિત્ર: સ્વરાજ એન્જિન્સ 22 HP થી 65 HP સુધીના એન્જિનનું ઉત્પાદન કરે છે, જેનો ઉપયોગ "સ્વરાજ" ટ્રેક્ટરમાં થાય છે. તેમને ભારતના કૃષિ ક્ષેત્રની કરોડરજ્જુ માનવામાં આવે છે.

ઇન્વેસ્ટરો તેના પર કેમ વિશ્વાસ કરે છે?

બેલેન્સ શીટ ખૂબ જ હળવી છે. કોઈ દેવું નથી. છેલ્લા 3 વર્ષમાં નફો વાર્ષિક 15% ના દરે વધ્યો છે. ROE (41.9%) અને ROCE (56.2%) જેવા આંકડા ઇંડસ્ટ્રી સરેરાશ કરતા ઘણા વધારે છે. તેની રેકોર્ડ વૃદ્ધિને ધ્યાનમાં રાખીને, કંપનીએ તેની ઉત્પાદન ક્ષમતા 1,95,000 યુનિટથી વધારીને 2,40,000 યુનિટ પ્રતિ વર્ષ કરવાનો નિર્ણય લીધો છે. આ માટે, કંપની પોતાના ફડનો ઉપયોગ કરશે, જે તેની ફાઈનાન્સિયલ શક્તિ દર્શાવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ