બિઝનેસ / RBI રેપો રેટના નિર્ણય પહેલા જ શેરબજાર ધડામ, સેન્સેક્સ અને નિફ્ટી આટલા પોઈન્ટ ગગડ્યા

અમેરિકા અને ચીન વચ્ચે વધી રહેલા ટેરિફ વોરની અસર વૈશ્વિક બજર સાથે ભારતીય બહાર પર પણ વર્તાઇ રહી છે. આ ઉપરાંત પણ આરબીઆઇના રેપો રેટના નિર્ણય પહેલા જ શેરબજાર ટ્રેડિંગ સપ્તાહના ત્રીજા દિવસે શેરબજાર રેડ ઝોનમાં ખુલ્યું. રોકાણકારોમાં દહેશતનો માહોલ છે. અને આ વચ્ચે આજે અથવડિયાના 3 જ દિવસે બજારની શરૂઆત ઘટાડા સાથે થઈ છે. સેન્સેક્સ 364.27 પોઈન્ટના ઘટાડા સાથે 73862.81 પર ટ્રેડ થઈ રહ્યો હતો. તે જ સમયે નિફ્ટી 115.15 પોઈન્ટના ઘટાડા સાથે 22420.70 ના સ્તરે ટ્રેડ કરી રહ્યો છે.

નિફ્ટીમાં HUL, કોટક મહિન્દ્રા બેંક, એશિયન પેઇન્ટ્સ, મારુતિ સુઝુકી, ટાટા મોટર્સ સૌથી વધુ વધ્યા હતા. જ્યારે ડૉ. રેડ્ડીઝ લેબ્સ, એચસીએલ ટેક, ટેક મહિન્દ્રા, સિપ્લા, ઓએનજીસી નિફ્ટીના સૌથી વધુ ઘટાડાવાળા હતા.

મંગળવારે બજાર

ટ્રેડિંગ સપ્તાહના બીજા દિવસે શેરબજાર ગ્રીન ઝોનમાં વધારા સાથે બંધ થયું. બીએસઈ પર સેન્સેક્સ1089 પોઈન્ટના ઉછાળા સાથે 74007.08 પર બંધ થયો. તે જ સમયે NSE પર નિફ્ટી 1.69 ટકાના વધારા સાથે 22535.85 પર બંધ થયો. ટ્રેડિંગ દરમિયાન જિયો ફાઇનાન્શિયલ, શ્રીરામ ફાઇનાન્સ, ટાઇટન કંપની, સિપ્લા, ભારત ઇલેક્ટ્રોનિક્સના શેર નિફ્ટીના ટોચના લાભકર્તાઓની યાદીમાં સામેલ હતા. જ્યારે પાવર ગ્રીડના શેર ટોચના ઘટાડાની યાદીમાં રહ્યા.

વધુ વાંચો: ટ્રમ્પના નવા ટેરિફને કારણે વોલ સ્ટ્રીટ ગબડ્યો, એશિયન શેરબજાર પણ ધડામ

બધા ક્ષેત્રો લીલા નિશાનમાં કારોબાર કરી રહ્યા હતા. કેપિટલ ગુડ્સ, ઓઇલ એન્ડ ગેસ, જાહેર ક્ષેત્રના શેર, રિયલ્ટી, ટેલિકોમ, મીડિયામાં 2-4 ટકાનો ઉછાળો જોવા મળ્યો. બીએસઈના મિડકેપ અને સ્મોલકેપ સૂચકાંકોમાં 2-2 ટકાનો વધારો થયો.

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ